【Signal】Signal在IG落廣告反被FB封殺 FB指拆解使用個資內容過度露骨創辦人Brian Acton有良心單靠捐款唔賣數據唔追蹤用戶！

【Signal】Signal官方早前直指Facebook禁止他們在社交平台Instagram落廣告，原意Signal打算包裝一個廣告指Facebook追蹤用戶所獲得的資料引申的問題，從而解釋俾用家們知道自己個人資料如何被FB使用，最後該廣告反被FB封殺，原因居然係…Signal近期爆紅，人數更錄下歷史性增長，一波Whatsapp私隱霸王條款引發「社交移民潮」，大批用戶跳船去到Signal，到底Signal有咩引人入勝嘅原因？全賴創辦人Brian Acton一個決定。

撰文：odin ｜圖片來源：Signal

【Signal】Signal在IG落廣告反被FB封殺

Signal在Facebook封殺廣告過後，負責人在官方貼文並上傳原本打算刊登的廣告內容。Signal指：「Facebook一直蒐集用戶個人資料，以便收集用戶喜好及生活方式賣給第三方廣告商，因此Signal打算藉利用Facebook所收集到的個人資料，向網友傳送個人化的廣告。」該廣告內容指用戶喜歡動畫，住在加州聖地牙哥附近，最近瀏覽的Blog內容以及正考慮領養小孩，另一段廣告就指Facebook知道用戶是一名化學工程師，喜歡K-Pop及住在柏林，剛懷孕並搬了家等個人資料，Facebook在封殺該廣告後回應指內容過於露骨，更補充說明廣告內容引導如何使用用戶個人資料而遭到封鎖。

【Signal】創辦人Brian Acton吐氣揚眉單靠捐款唔賣數據！

Signal創辦人Brian Acton原本都係Whatsapp共用創辦人之一，當Facebook收購Whatsapp之後佢並唔認同母公司嘅政策，喺2017年佢決定離開Whatsapp，隔一年後佢就決定斥資5,000萬美元創立並開發Signal應用程式，正正因為呢個決定改寫咗社交平台嘅現況。Signal Foundation作為一間非牟利機構表明唔會依賴任佔大型科技公司，更強調絕對不會被收購，目前員工雖然不足50人，但一切開支均來自捐款，並努力改善Signal視頻以及群組聊天功能，令Signal有能力同Whatsapp及Microsoft Teams等會議應用程式一較高下。

【Signal】創辦人Brian Acton吐氣揚眉單靠捐款唔賣數據！

Signal可以食正今次「社交移民潮」，主要係佢哋主張「沒有廣告、沒有追蹤及沒有虛假承諾」，相比Whatsapp強加霸王條款令用戶再無私隱，Brian Acton表明絕對唔會被收購及不會追蹤用戶，更會使用端到端加密來保護用戶之間通信等，喺私隱人人自危情況下，用戶可以更加放心使用，唔怕個資唔知流失咗去邊度。有外媒指出近期分析數據，喺過去7日內，Signal增加咗多達1,780萬用戶，數日內足足增長咗60幾倍，至於同期Whatsapp降咗17%，但都有成1,060萬用戶下載。創辦人Brian Acton最後亦指出，雖然Signal增加咗唔少用戶，但預測唔少人都會同時使用Signal及Whatsapp，認為Signal同Whatsapp唔存在競爭，亦唔會取代Whatsapp所有功能。