【Signal教學】極速輕鬆DIY自製專屬貼圖 動態貼圖1分鐘搞掂！
廣告
【Signal教學】個資問題唔少人都棄Whatsapp轉向Signal，轉會Signal之後最令用家困擾就係冇晒用開嘅Sticker，既然無得將用開嘅Whatsapp貼圖搬過去不如試下自己整返個，Signal都可以好似Whatsapp咁輕鬆自製獨家貼紙，方法重好簡單1分鐘就搞得掂！
撰文：odin ｜ 圖片來源：Signal
【Signal教學】1分鐘輕鬆自製貼圖
Signal官方貼圖唔多大家又點夠用，如果你都想整返張屬於自己嘅專屬貼圖或者Meme圖，Send畀朋友威威嘅話，就要學識以下方法啦！提提大家要整貼圖需要安裝電腦版嘅Signal先可以上傳，直接喺電腦去背上傳之後，就可以喺手機版度用到啦！
步驟1.
首先去Signal官網下載電腦版嘅Signal。
【Signal教學】步驟2.
然後打開電腦版Signal，撳一下左上方「製作/上傳貼圖包」。
【Signal教學】步驟3.
撳完之後就見到所需貼圖嘅要求，記住圖片必須為「PNG、APNG或Webp」圖檔(動態檔需設定為APNG)，需「去背」及大細需設定為「512 x 512」。
【Signal教學】步驟4.
將所需圖片拖拉至中央部位即可上傳，完成後會顯示有關圖片。
【Signal教學】步驟5.
重可以替每張圖片加個emoji，令貼圖更易搜尋及分辨。
步驟6.
然後幫冇關貼圖加返個「標題」同埋你個(作者)大名。
【Signal教學】步驟7.
完成之後就可以確認「上傳」，由於確認後呢個標題就無法更改、編輯及刪除，事後要更改就要喺創意貼圖包度反安裝作更新。
步驟8.
大功告成之後就可以「複製」呢個貼圖標題同朋友一齊分享下！
步驟9.
搞掂晒喺手機版就會見到相關貼圖，send完畀朋友，對方撳落去亦都可以直接download啦！
