【MeWe教學】MeWe必學私隱設定 跟住做唔怕被起底懶人包
撰文：odin ｜ 圖片來源：MeWe
【MeWe教學】私隱設定你要知
大家要緊記剛加入MeWe時系統預設嘅私隱選款並唔能夠保障到大家嘅私隱，所以創解帳號之後，第一件事記得要先搞返好私隱設定，如果唔係你嘅所有個人資料都會出現漏洞，任何人都可以瀏覽到，就算轉新平台情況都冇好轉架！
MeWe必學私隱攻略 設定懶人包助你保護個資
【MeWe教學】步驟1
首先撳一下右上方「設定」。
【MeWe教學】步驟2
揀返「私隱和分享」。
【MeWe教學】步驟3「MeWe搜尋」
第一點就會見到「讓其他MeWe會員輕鬆的在MeWe上找到我。把我放進MeWe搜尋。」呢個選項，如果你唔想畀任何人搵到你個帳號嘅話，呢個位就可以「關」咗佢避免麻煩。
MeWe必學私隱攻略 設定懶人包助你保護個資
【MeWe教學】步驟4「誰可向你發送聊天請求」
如果你只係想畀認識嘅朋友邀請嘅話，建議呢個位選擇：只限「我的聯絡人」清單上的聯絡人可以向我發送請求」，咁樣你就唔怕出現一堆「麵包人」加你嘅問題又唔知佢乜水，亦都可以細心揀選朋友，唔怕加咗一堆無謂人。
【MeWe教學】步驟5「聯絡人名單可見度」
呢個位如果揀：不允許聯絡人查看「我的聯絡人」名單嘅話，任何人都唔會見到你好友名單嘅人，如果你只加熟人又唔怕被起底嘅話，就可以揀上面「允許」選項。
【MeWe教學】步驟6「聯絡人同步」
如果你係「在你的通訊錄中已經使用MeWe的聯絡人，將自動添加到你的MeWe的聯絡人名單中」嘅話，系統就會自動幫你添加好友，如非必要建議唔好打開，咁就可以自行揀選所添加嘅人，避免私人post畀唔熟嘅人睇到。
MeWe必學私隱攻略 設定懶人包助你保護個資
【MeWe教學】步驟7「聊天請求」
如果你加咗Group嘅話，呢個「會員與你在同一社群的可以向你發送聊天請求。如果不勾選此格，只有你的聯絡人可以與你聊天。」熄咗可以避免同Group唔識嘅人亂咁搵你傾計。
【MeWe教學】步驟8「下載動態時報的照片」
個人私隱最重要嘅一點，如果你呢個位選擇咗「允許聯絡人下載我分享到我的動態時報的照片」嘅話，平時你放相落動態時報，睇到嘅人就可以隨意下載，建議呢個位都係熄「不允許」咗佢安全。
【MeWe教學】步驟9「下載私人貼文照片」
呢個位比之前更需要熄咗佢，因為如果你選擇「允許聯絡人下載我分享的照片」嘅話，你貼過嘅文只要加咗你好友，就可以任意下載，如果加錯人，隨時會被起底，極之危險，記得揀「不允許」啦！
