293萬香港用戶資料被上載黑客網站 你隨時中招盡快改Facebook密碼 全球5億用戶中招
撰文：odin | 圖片來源：Facebook截圖
【Facebook】293萬香港用戶資料被上載黑客網站
「Facebook」類似嘅外洩事故在近年不時發生，早於前年9月就曾經有未經密碼保護嘅網上伺服器，儲存數億個「Facebook」用戶的帳戶號碼及電話號碼，今次「Facebook」影響更深，用戶的個人資料，包括姓名、電話和電郵等直接被上載至一個黑客網站供免費瀏覽，相關資料涉及全球106個國家及地區，當中有293萬個香港帳戶受到影響。
【Facebook】全球5億用戶中招
外界批評「Facebook」對用戶資料保密方面徹底疏忽，社交平台「Facebook」今次有多達5.33億個用戶的個人資料外洩，擔心會被不法分子利用這些被公開的資料犯案，例如用於詐騙及市場推廣，同時亦認為「Facebook」已經無乜補救措施，雖則「Facebook」發言人回應事件時表示：「有關資料是2019年外洩事故的資料，他們同年8月亦已修復系統問題。」但仍有唔少用戶憂慮個人資料被外洩嘅問題。
【Facebook】你隨時中招盡快改Facebook密碼
據以色列外媒早前喺Twitter表示，「Facebook」有大量資料在一個網上黑客討論區曝光，包括多個用戶的姓名、位置、電話、電郵及出生日期等，受影響用戶除香港外，美國亦佔超過3,200萬個，英國及印度亦分別有1,100萬及600萬個。建議市民如果擔心個人資料被外洩，應該盡快更改「Facebook」密碼，因為有唔少用戶會「一個密碼走天涯」，如果被黑客掌握到「Facebook」密碼，或者會嘗試入侵用戶其他帳戶，建議用戶喺唔同網站平台，應該設定唔同密碼以及開設「兩步驟驗證功能」以提高保障。
