無需邀請碼、4大亮點功能 《Clubhouse》簡易教學懶人包
廣告
一波「社交移民潮」令唔少人逃離《Facebook》及《Whatsapp》,但隨之興起嘅《MeWe》、《Signal》,好多用戶都未坐暖就已經返咗轉頭,最大原因就係活躍用戶人數唔夠,令人覺得使用該平台同原嘅Facebook及Whatsapp爭太遠,難以留人。至於今次介紹呢款《Clubhouse》,推出短短1年活躍用家已經達到200萬之多,足以同《Facebook》等社交平台一較高低,至於點樣加入呢個App?就需要有人邀請你先加入得,至於點樣先唔使邀請碼都入到?亮點同功能係咩?一齊嚟睇睇。
撰文:odin | 圖片來源:Clubhouse
【Clubhouse】無需邀請碼、4大亮點功能
【Clubhouse】亮點1 需要「邀請碼」才可使用
《Clubhouse》嘅設計係為咗畀矽谷新貴、政商名流、藝人或者有一定社會地位嘅人士,可以透過呢個地方進行互相交流,隨住使用者愈來愈多,已經由一開始幾千位用戶到而家爭崩頭都搶住要加入呢個APP。
【Clubhouse】亮點2 聊天不留痕即講即散
喺《Clubhouse》房間裡面所有傾計內容均無法儲存,亦唔會留有紀錄,傾完計呢度講呢度散,唔怕會畀人留底,對於而家個個講求私隱相當重要。
【Clubhouse】亮點3 人人都有發言權
《Clubhouse》嘅使用者都可以揀選自己喜愛嘅房間,然後入去參與即時嘅語音聊天,當然亦都可以齋聽,了解一下房入面分享緊嘅內容訊息,如果你係房主,重可以決定房間人數以及誰可發言等功能。
【Clubhouse】亮點4 保護你的個人資料
呢個年代個資非常重要,《Clubhouse》有別於其他社交媒體要填寫各種資訊,只需要輸入電話號碼及名稱即可,有效保護你嘅私隱!
![【Clubhouse】系統不時會提供有用消息嚟協助你。](https://imgs.nmplus.hk/wp-content/uploads/2021/02/whatsapp-image-2021-02-10-at-14.10.23-1_20166338456024b403bdaf0-473x1024.jpeg)
【Clubhouse】無需邀請碼教學
現時《Clubhouse》只供iOS平台下載,下載過後需要邀請碼才可正式加入,至於如何無需邀請碼都可以用到,有以下呢幾招:
1.每個用戶都可以獲得2個免費邀請碼用嚟邀請朋友加入,可以請有用緊嘅朋友邀請你加入即可。
2.國外亦都有唔同嘅專頁可以協助你加入,留言之後等待自動回復,跟著相關步驟即可互相協助邀請登入。
3.下載之後你嘅聯絡人入面有用緊《Clubhouse》,就會見到你喺候補名單入面,從加直接邀你加入。
【Clubhouse】簡易教學懶人包
好多人入到去《Clubhouse》裡面都唔知應該點做,以下懶人包可以教你輕鬆上手。
【Clubhouse】簡易教學2 除咗將手機通訊錄入面加玩緊嘅朋友落好友之外,亦可追蹤喜歡嘅KOL或網友,再進入唔同嘅房間一齊討論下。
![【Clubhouse】簡易教學2 除咗將手機通訊錄入面加玩緊嘅朋友落好友之外,亦可追蹤喜歡嘅KOL或網友,再進入唔同嘅房間一齊討論下。](https://imgs.nmplus.hk/wp-content/uploads/2021/02/whatsapp-image-2021-02-10-at-14.10.25_11624015176024b315a997f-473x1024.jpeg)
【Clubhouse】簡易教學3 如果係你自己開設房間嘅話,重可以手動設定公開或者私人房間,人數限制等功能均可選擇。
![【Clubhouse】簡易教學3 如果係你自己開設房間嘅話,重可以手動設定公開或者私人房間,人數限制等功能均可選擇。](https://imgs.nmplus.hk/wp-content/uploads/2021/02/whatsapp-image-2021-02-10-at-14.10.24-1_5826585596024b353acb69-473x1024.jpeg)