【美國禁令】美國禁用8款中國手機交易APP 支付寶都有份！特朗普簽署行政命令

撰文：Odin ｜圖片來源：網上圖片 ｜海月

【美國禁令】美國禁用8款中國手機交易APP 支付寶都有份！特朗普簽署行政命令

相信唔少人同我一樣好關心到底係邊8款中國手機程式，根據行政命令名單指出，呢8款程式包括有支付寶、CamScanner、QQ錢包、SHAREit、騰訊QQ、VMate、微信支付及WPS Office，至於點解要禁呢8款？原因係經過調查後發現唔少有關程式都會自動截取用家資料，包括個人身份及私人訊息等，擔心美國用戶嘅資料被非法使用，甚至係將呢啲資料送到中國或交由黨所使用，呢啲問題都直接影響到國民，故特朗普已簽署行政命令並交由商務部去處理，並從中搵出到底邊啲程式係有問題，以及有咩程式急需處理。

加上2014年美國人事管理局及2017年Equifax接連受到黑客攻擊，被竊取個人資料嘅美國市民高達數百萬人，嚴重危害到國家、經濟及社會安全。不過呢份行政命令存在隱憂，就係要等45日後先會生效，當日正正就係新任總統拜登就職，到時呢份行政命令重可唔可以執行？內容到時會否如實執行定有所修改？決定權將會落喺新任總統拜登以及商務部手上，商務部會利用駐外辦事處權力繼續履行部門使命，確保國家、經濟及社會安全。其實相較於美國禁止中國呢幾款程式，近日中國亦大舉下架唔少程式以及遊戲，已經將105款被指散佈色情、暴力、詐騙賭博等內容程式，以及接近4萬款遊戲除去，包括大家熟悉嘅《刺客信條》及《NBA 2K20》，前1,500 款付費遊戲中，就有1,426款付費遊戲被下架，只係剩返74款倖免今次嘅下架潮。