男友Facebook畀靚女Like 港女女友兩大無理要求脅分手 網民撐男友令女友態度急轉

港女男友fb讚好「娜美」靚相出事！

香港是人氣網紅娜美（秦楚瀅），憑清純臉孔加上穠纖合度好身材，不但喺facebook、IG非常人氣，早前更獲邀演出電影《＃PTGF出租女友》，正式踏入藝能界。

被看好星途嘅娜美早前更喺facebook出圖表示「今日係一個要po相賀一賀佢嘅日子，keke」，更放出之前從未曝光嘅泳裝照，相中娜美身穿火辣泳衣開腿坐喺池邊戲水，大哂平時深藏不露好身材。靚相自然引嚟粉絲留言狂讚：「有生之年見到娜美穿泳裝，夫復何求」、「娜美好少穿泳裝」，而娜美亦親切回應一眾網友，更笑言泳裝照係「十年一遇」。

有一位男網友留言大讚娜美「性感正身材」，估唔到悲劇就此發生，因為他一句留言竟意外惹來女友不滿。女友同時即時留言質問男友，更一度崩潰到想提出分手：

咁好囉，你要佢唔好要我喇，你最好同佢做埋情侶，點解你要喺其他人嘅帖留言喎

你同我取消娜美嘅讚好，同埋以後無我批准情況下唔准再讚同埋追蹤其他女性

雖然男網友未再有任何回應，不過其他網友紛紛留言送暖。

「今次我挺你」

「喜歡按讚女生是自由，輪不對你女友說話」

「點解女生追星可以，男生追網紅就唔得，男女平等真係好」

而港女女友就反擊：

「我男朋友性格唔似你哋咁樣亂咁追蹤人哋啊，我條仔只不過按錯咗啫，有咩咁大不了啊？」

「我條仔平時靠我呢個女仔幫佢，如果唔係有我幫佢啊，佢就冇今時今日嘅自己！」