消費券2022｜八達通8月7日派$2000 年底拎齊$5000

八達通消費券領取時間及安排

第二階段嘅八達通$5,000元消費券會分三期發放，第一期將會喺8月7日發放$2000元，第二期就會喺10月1日發放$2000元，而用完前兩期嘅$4000元後先可以拎到尾期嘅$1000元，尾期嘅$1000元就視乎該人士幾時用完$4000元，最快可以喺12月16日領取。

未拎齊第一階段消費券點做？

市民需要留意返透過八達通收取嘅第一階段消費券會分兩期發放，市民可以拍卡收取首期$4000元嘅消費券，市民可前往公共交通費用補貼領取站、便利店、超級市場、八達通服務站或透過八達通手機應用程式App即可拍卡領取消費券。

你只要喺5月至10月期間嘅「合資格消費」累積總額不少於$4000元，就可以喺達標後下一個月16日拍卡領取第一階段嘅第二期$1000元消費券。 你最早可於6月16日，而最遲可於11月16日，開始領取第一階段嘅尾期$1000消費券。換言之如要領取第一階段全數$5,000，就最少要拍3次卡啦！

4個簡易步驟一鍵領取 收錢免排隊八達通應用程式App安裝教學

Step 1. 輸入電話號碼以作登記之用。

Step 2. 完成登記後點選右上方的「登記八達通」圖示。

Step 3. 點選右下方的「+」圖示。

Step 4. 輸入八達通號碼，選擇該八達通之用途並按「確定」即可完成綁定。

八達通一鍵領取及查詢狀況功能懶人包

步驟1.揀選主頁嘅「消費券」選項。

步驟2.已領取消費券會喺右方顯示「圖案」。

步驟3.內裡會提示收款日期及情況，右上方可領取額外獎賞。

步驟4.可以留意派發日期及條件，並揀選所需額外獎賞。

八達通App提升儲值限額設定方法

1.於八達通App設定，選擇「提升八達通卡儲值限額」。

2.確認提升儲值限額，租用版八達通：將八達通卡拍向流動裝置的NFC位置或八達通讀寫器上，直至屏幕顯示「成功提升儲值限額」訊息，Smart Octopus：輸入密碼/虹膜或指紋認證以確定提升儲值限額，直至屏幕顯示「成功提升儲值限額」訊息，八達通流動電話卡按「確定」提升儲值限額，直至屏幕顯示「成功提升儲值限額」訊息。

3.成功提升儲值限額至港幣3,000元後，你可自行決定增值多少。