6套男生熱血日本卡通總有一套你必定睇過！90後經典回憶！

九十後嘅我哋，唔經唔覺都係時侯岀嚟社會做野。唔知大家仲記唔記得當日一放學就衝翻屋企開電視追卡通嘅日子呢？細個嗰陣，逢一至五嘅三點九至五點九都係我哋嘅黃金時間。一打鐘放學，左手一包恐龍谷，右手一包媽咪麵，浩浩蕩蕩咁衝翻屋企睇電視。功課？測驗？呈分試？唔理住啦！以下落嚟呢幾套卡通，可能你已經唔記得咗，不過我一講，可能又會重燃起你心底內個團熱血嘅火。

Text-Gabriel ｜Photo：各卡通的截圖、各卡通Twitter

90後獨家回憶！6套男生熱血日本卡通

1.高智能方程式

故事主角風見準人經歷嚴重意外，千辛萬苦先可以重返車壇，但好可惜因為車嘅性能遠遠落後於對手，風見準人只可以用技術答救。經歷重重障礙，風見準人終於明白一個非常老套嘅道理：只要堅持落去，一定有機會重登寶座。

2.日式麵包王

聽到個名都已經起哂雞皮，擁有太陽之手嘅東和馬誓要做岀代表日本嘅麵包。東和馬喺中學畢業之後，直接參加由日本最大麵包店Pantasia嘅徵才考試，過五關斬六將後終於奪得新人賽冠軍，跟住仲同河內、諏訪原組隊參加摩洛哥盃。一心諗住做好日本麵包嘅和馬並無任何機心，但就因為Pantasia 同St. Pierre，月乃同雪乃而捲入重重鬥爭之中。

＊日式麵包59號什錦煎餅三文治

3.微星小超人

又一套令人充滿幻想嘅卡通片啊！細個成日都會ff自己手上噚微星小超人（玩具啦當然）真係識陏，真係會保護自己哈哈……..係呢個世界入邊，你睇唔到唔代表無，呢個故事正正就係講述地球每一個微小嘅角落都慢慢被奧克羅星人侵佔，企圖征服地球。微小如塵嘅佢地偏偏為人類帶嚟嚴重嘅威脅，係呢個時候微星小超人挺身而岀，肩負起保護地球嘅重任，帶嚟呢場微少但激烈嘅戰爭。