網民鬧爆有youtuber 吹捧英國治安差嘅區 移英要留意5大伏位

近年好多人移民英國，亦多咗好多移英港人拍youtube 分享移英資訊、移英生活，好多香港人移英前都會透過呢啲Youtuber 獲取更多資料。不過有網民就喺連登討論區出post 鬧爆啲Youtuber 過份吹捧一啲治安唔好、或有其他問題嘅伏區。

1. 治安差

好多網民就話覺得英國有好多區都有治安唔好嘅問題，如果搬咗去呢啲治安唔好嘅區，唔單止容易比人爆格偷嘢，仲會有血案！Youtuber Bob 叔就曾經鬧過啲香港地產youtuber 介紹Whitechapel 同Slough 呢2個地方，兩都地區治安都極差。

Whitechapel係被稱為倫敦最暴力的地方之一，涉及兇殺和持械入室盜竊的罪案相當之多，亦係惡名昭彰的連環殺手開膛手傑克嘅行凶地，當年亦有許多癮君子。

而Slough是全英國治安最差的地區之一，Slough 市中心車站平均每幾天就有一宗持刀傷人案，2020年嚴重罪行達到6057宗，平均一日17宗，治安極差，若搬入去真係有保鏢都冇用！

2. 附近冇工返

英國地方大，好多區未必有啱香港人返工嘅場所，要返工可能就要去另一個區。一啲細town 就只有工廠嘅工可以做，甚至只得最底工資，包括好多香港人嘅Crewe。

3. 屋企太大都係煩惱

有啲香港人去到英國會租住detached house，不過原來屋企太大都可能係問題！Youtuber 發仔就拍片講佢喺英國生活，就提到屋企條樓梯太長，諗住食cereal ，但上到房先醒起拎漏咗個碗，結果行成分鐘先落到樓！另一個youtuber The Reynolds Family 亦提及屋企太大，吸塵超級攰！

4. 殘舊平價樓

Youtuber 阿羊小記就有拍片分享佢搵樓嘅過程，佢就話透過中國人嘅地產租咗一間月租650磅嘅2房apartment，過程好急，結果發現間屋極殘舊，形容係「一分錢一分貨」。

5. 成區都係香港人

好多網民就話有好幾個英國大區而家太多香港人/華人，如果移民去到英國都唔肯同非華人相處，就冇咁移民嘅意義。例如好受香港人歡迎嘅Birmingham 「睇返London個個幫襯嘅超過一半係local/tourist, 但Birmingham 個個基本上超過9成係chinese…太圍爐講真好唔健康」。另外Warrington都係近年大量香港人移英居住地，多香港人到有「香港人村」之稱，甚至被投訴香港人鄰居太嘈。