陳蕾呻前公司苛刻 自爆拒續約兩大原因
廣告
人稱「豹哥」的女歌手陳蕾，向來性格故我，為了唱歌一直默默耕耘，出生於廣州她唱作皆能，在2018、2019、2020年接連在《叱咤樂壇流行榜頒獎典禮》獲得唱作人銅獎，並於2020年獲得「叱咤樂壇女歌手銀獎」等，漸為人所熟悉，她最近為強尼、娟姐主持的清談節目《晚吹-有酒今晚吹》節目做嘉賓，兩杯到肚的她流露真性情，大呻前公司如何苛刻兼自爆拒續約的原因。
豹哥被滅火 衣著都冇say
陳蕾18歲時帶著結他和勇氣，孤身來港參加第一屆《亞洲星光大道》，並赢得第四名，一心想向音樂事業發展的她，先在亞視工作 5年，但並非從事音樂相關的工作，2015年獲一家日本藝人公司Amuse Music垂青，簽約成為福山雅治、One Ok Rock的師妹，正式出道成為歌手，當時以為踏上夢想之旅，但一向走型格路線的她，卻被要求打造成「日系文青少女」，陳蕾謂：「因為公司要我塑造文青形象，所以衣著都有限制，爛牛仔褲、無袖衫都唔著得。」最離譜係連膝頭哥都唔可以露，在場人士聽罷即時眼都突埋，網民亦留言指：「仲嚴過返學」、「小學生咩」等等。
焗住扮斯文
陳蕾又指當時連露膝頭都唔俾，所以平時講嘢粗魯少少都實鬧啦，所以做訪問都唔敢亂講嘢，呢個公司預設給她的「假人設」維持了一段時間，陳蕾坦言漸漸覺得好迷茫，她謂：「係咪因為公司覺得原來嘅我唔會有人鍾意，所以要俾呢個軀殼我？咁其實公司只係鍾意塑造出嚟嘅我咋嘛。」陳蕾笑言因過往的經歷和其內在堅強的特質，所以現在都予人「型格」女生的感覺。
飲醉擺烏龍
另外，陳蕾分享一件因醉酒而想懺悔的事件。在Dear Jane剛發表《聖馬力諾之心》時，林欣彤（Mag）在公司Group分享其中一句歌詞「我是個怕輸的人仍然扮勇敢」。陳蕾笑言因自己當時已喝醉，誤以為Mag不開心，所以就不停傳訊息安慰對方。誰知此舉反而令眾人擔心：「全公司都好擔心係我有咩事。最後，佢哋差唔多10個人，包括歌手一齊出咗嚟搵我，搞到第二日我唔敢睇返啲message。」
