天水圍情侶道歉真相？原來2人分別被炒！
天水圍情侶道歉真相？原來2人分別被炒！
早前已經有網民因不甘天水圍情侶的作為而將其起底，有指女方為一名sales，男方則疑似是自雇人士，今天早上兩間店鋪不約而同的發出聲明和二人割席。所屬店鋪就指因為不想再被人滋擾，這名女員工已經被他們解雇，甚至更改電話號碼；而男方所屬店鋪就指自己是而共享空間的型式給予場地，當事人（男方）只是其中一租用者，但因為他的行為影響到所屬店鋪所以不會再向名男子提供場地租用服務。網民發現相關發文後就懷疑這對天水圍情侶一直堅持己見，更失蹤多天都沒有回應質詢，卻無故突然選擇道歉是因為現在連工作都已經掉了所以才不得已道歉。
男網民投訴餐廳職員送餐時抽水女朋友
男網民投訴餐廳職員送餐時抽水女朋友 一名男網民於「天水圍群組」出長文投訴一間天水圍餐廳的職員抽水佢女朋友，事源該對情侶去一間天水圍餐廳食飯，該餐廳男職員經過送餐、執檯時身體貼近女事主的背脊，被指控該職員係有心抽水，指係連續3次，女朋友亦啞忍2次後才發聲話佢「痴得太貼」。指控相當嚴重，話該職員實在係明目張膽，根本係「病態」！雖然文章都有講職員有立即道歉，話自己唔小心，但係該男網友就以唔想有下一個受害者的名義將該男職員以及餐廳收據圖放咗上「天水圍群組」。網民當時對男網民的指責都為他們抱打不平「條友一定係有病」「好明顯有心」「支持」。
事情峰迴路轉餐廳反擊出cctv片段為職員澄清
事後該餐廳出咗一條約40幾分鐘的cctv的片段，希望為職員澄清，指該職員只係因為身形略為壯闊，就算係有刻意避開，都難免有碰撞，而該職員到底係真係故意定係唔小心由網民自行判斷。整段cctv清楚可見當時男女事主當時用餐情況，當時餐廳環境狹窄，正如男事主所言真係職員係3次經過女事主身旁送餐，女事主亦有因此將餐檯移開令職員方便進出，事後被責備時該職員亦有立即道歉。事後餐廳出post指出事主不斷要求餐廳處理該事件，餐廳老闆指事主指控實屬嚴重，唔係想偏幫，只係想搞清楚件事。
風向180度轉變 網民力撐餐廳 要求男女事主道歉
自餐廳公開cctv片段後，唔少網民都認為職員並唔係有心，仲話只係見到係職員肚腩頂到女事主，不斷攻擊該對男女事主坐姿、外表等「我覺得應該要投訴自己個男朋友先，明知個個位有機會比人high到自己女朋友都唔同女朋友調位。男朋友自己就坐個最舒服既位置，又唔主動建議女朋友坐另一張櫈。佢完全無意識保護自己個女朋友。」「個女客人自己寒住背咁食，本身又坐得離枱，你同事行過第一二次佢都唔坐埋少少，大晒咁」「去搭地鐵咪死得，咁多人黐埋一齊」「巨大版白雪公主返城堡啦，啲平民嘢唔啱你食」「應該係你哋道歉！」「男朋友點解唔同女朋友 轉位呢~~~比人撞3次」「賺你果幾十蚊，霸曬成張枱」「要反省自己係你地兩個囉」「職員就分分鐘蒙上一世陰影，好耐都未試過咁嬲」。
天水圍餐廳事件現時發展什麼階段?
早前，一對天水圍情侶在網上公審某餐廳侍應抽水，隨著店家公開CCTV，網上風向轉而撐侍應，而且網民不停要求這對情侶道歉，4天後這對情侶終於透過…詳情請看
天水圍情侶道歉真相？
早前已經有網民因不甘天水圍情侶的作為而將其起底，有指女方為一名…詳情請看