30歲吳若希北上即背住老公調戲健身教練 失晒魂語無倫次
廣告
吳若希(Jinny)為結婚生B放棄了不少上位黃金機會,而最近因為《聲生不息》中楊丞琳翻唱她的名曲《越難越愛》,令首歌再次翻Hit!佢除咗即刻ig大玩合唱之外,仲帶挈佢北上搵真銀,與陳展鵬合作拍劇新《香港人在北京》做女一,吳若希即拋夫棄仔女離港至少3個幾月。近日佢不忘經營自己的YouTube頻道,上載一段公然「調戲」健身教練的影片!
吳若希公然拍片「調戲」大隻健身教練
30歲吳若希已誕下兩名仔女,不過她沒有停下演藝事業發展,積極運動修身應付幕前演出。日前她上載一段影片分享自己常去的健身室,途中她的靚仔教練Andy亂入,吳若希即刻心心眼變返少女傻笑,仲不時大讚對方靚仔。吳若希大讚對方好「打耳」(得意),而且對眼好靚,仲話要效法「威威豬」,幫佢成立fans club。
吳若希興奮過度 埸面尷尬
吳若希見到靚仔教練失晒魂,邀請對方入鏡拍片之餘,更查家宅問對方住邊。教練大方回應自己住南區,笑言海洋公園是自己的後花園,興奮的吳若希神回應:「我成日都入去你後花園!」此話一出令現場氣氛尷尬,她即刻打圓場:「點解呢句說話好似怪怪地……」
吳若希趁青春留倩影
吳若希積極修身應付幕前演出,不過原來佢都想趁青春留倩影。她在IG分享自己好多時想試影性感相但會怕尷尬,她慶幸找到全女班製作團隊,大家有互相自然很多。吳若希將來可能會在社交平台分享更多靚相,實行做靚媽。
關鍵詞
吳若希