【林鍾大戰】林作首上擂台!被15歲少年撳住打!積極備戰操練無用:無奈俾人恰
廣告
林鍾大戰決定9月開打,林作日前講話自己會操Fit自己。果不其然,林作積極備戰。日前係自己IG share 自己同15歲少年練拳,估唔到結果…
撰文:神仙B|圖片:林作IG|編輯:海月
【林鍾大戰】林作首上擂台!被15歲少年撳住打
林作喺記者會到非常牙擦,放曬話要操Fit自己,上到擂台打爆鐘培生。自從記者會完咗之後,更積極更新自己的訓練進度,用半裸造型拍照記錄自己體型。搞到小編一打開佢IG搵料,見到一大版男仔裸照,實在傷眼。
近幾日,林作頻頻到拳館練拳,日前仲share咗一段上擂台對打片,片中見林作與一位15歲少年對打。佢配上文字稱:「記錄低我第一次俾人嚼:我嘅對手係一個15歲嘅小朋友。拳館悉心安排,第一次上陣蝦細路,攞下信心先。點知,試吓用打交嘅方式都打唔贏,如片中所見無奈俾人恰。」
作為對手,鐘培生非常關注林作動態,見到佢share片第一時間就留言俾like。鍾培生留言話:「第一次比like 你d post, 個小朋友真係好幸福」。
網民食住花生留comment話,林鍾兩人互相關注大半年,好一對孽緣,兩人或者會喺拳賽後成為老友。