【視點31】盤點10句歷年黃秋生金句 句句抽到盡 串你唔起呀？！｜頭號粉絲
撰文：Joel｜圖片來源：YouTube截圖、電影截圖｜影片來源：YouTube｜編輯：異種火星人
盤點10句歷年黃秋生金句
「我諗住下個獎拎奧斯卡㗎嘛！」
黃秋生在2015年憑台慶劇《梟雄》奪得「視帝」寶座，而得獎當晚，秋生發表感謝辭時就鬼馬地反問：「係咪上得嚟拎獎都要喊㗎？」隨後就扮喊：「我諗住上次拎完金像獎，下個獎拎奧斯卡架嘛！」旋即引起全場大笑。
「我應承你，2017，700萬人一人一票…」
香港社會近年不斷爭論2017普選， 秋生就係金像獎頒獎時直線抽擊：「我應承你，2017， 700萬人一人一票…」擺明串緊政府講一套做一套！
「我要真…係做司儀」
每年的「香港電影金像獎」除得獎者成眾人焦點外，頒獎嘉賓也是另一熱門話題，就如有「第34屆香港電影金像獎」中，黃秋生頒發「最佳導演」前，就發表「偉論」，當中狂抽政治水，特別最後一句「我要真…係做司儀」。所以話，做藝人，就代表不能講真話嗎？
「我乞食又有乜所謂」
黃秋生早前批評陳凱琳的演技，有網友即在討論區上開貼與眾網友討論，隨後，秋生接受東方新地的訪問遊戲環節「星星負樣卷」中，回應眾網友的說話，當中就有網民話：「如果個個新人都咁好，你班老嘢乞食啦！」，然後秋生妙答：「如果個個新人都係好，我乞食又有乜所謂！」，果然，薑係老嘅辣！
「做戲企得直好容易，做人企得直好難」
香港早期社運期間，王晶曾表示要與幾位高調支持佔中的藝人，包括黃秋生絕交，秋生得悉後即回應：「晶哥，多謝你咁多年咁關照我，估唔到你仲有我電話添，連我取消咗十年嘅電郵都有，我真係好感動，我咁多年都冇你電話，好慚愧，喺最後嘅時刻，同你講聲對唔住，祝你一路順風！」之後補充多句：「做戲企得直好容易，做人企得直好難。」
「太監騎馬偈後語」
如果要讚對方十分厲害，你可以話：「你真是太監騎馬！」點解？想像一下正常男人與太監騎馬的感覺有甚麼分別？
「秋生哥親身教你：如何向電話騙徒說不」
最近市面出現好多電話騙案，一不留神隨時錢財盡失。要避免墮入不法之徒的圈套？最好學秋生哥講句……唔講咁多，自己聽啦。
「One dog face，一狗樣」
洪興大飛哥，紅到曾經拍過以其為主角的外傳《古惑仔激情篇洪興大飛哥》，於戲中最鍾意講英文：「Tell the dog，話狗知。」「One dog face，一狗樣。」還有大量金句：「你比人打傻咗呀？而家古惑仔呀，你估西部牛仔呀？隻揪？梗係圍毆啦！」
「我砍你個仆＿做叉燒包！」
不能錯過的黃秋生經典作，當然是《八仙飯店之人肉叉燒包》，當年他更因而奪得1993年度第13屆香港電影金像獎「最佳男主角」獎。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
