陳展鵬搞《DREAMPLAN》個人音樂會「煎Pan」食字網民大讚叫Candy搶飛
廣告
陳展鵬除咗拍劇之外，定時定候都會大搞吓演唱會，繼去年的美國西雅圖開騷《Summer Dreams 陳展鵬演唱會》，陳展鵬將於2025年1月12日將在廣州音樂唐人館再次開騷。而陳展鵬演唱會除了海報特別之外，今次的演唱會，連命名都非常有趣，引起網民熱討！
陳展鵬開演唱會《DREAMPLAN》
陳展鵬宣布將於2025年1月12日在廣州音樂唐人館舉行名為《陳展鵬 DREAMPLAN個人音樂會》的演唱會。演唱會的票價設定為三個等級，分別為599、399及199人民幣。這次的演唱會名稱採用了食字遊戲，「Dream Plan」與「煎Pan」的諧音相呼應，展現了陳展鵬對語言的巧妙運用。
被封「食字之鬼」網民：Candy搶飛啦
陳展鵬的粉絲群體「好鵬友」對這次的演唱會名稱反應熱烈，「Dream Plan」的命名亦引起網民熱討，讓他再次被網民稱讚為「食字之鬼」，大讚陳展鵬玩得，演唱會價錢良心「dream plan真係幾幽默」「食字專家」「最貴599，良心價」有些網民更笑言COLLAR成員candy似乎要搶飛「candy搶飛」「candy係咪要撲飛」
COLLAR︳Candy 2016年開始like爆陳展鵬
早前有網民發現陳展鵬IG，由2016年起COLLAR成員王家晴Candy差唔多每個post都like爆陳展鵬，like到2017年先肯停手，極度懷疑Candy係「好鵬友」！而2002年出生的Candy，當時其實只有14歲，第一張like的相就係陳展鵬無著衫騷腹肌劇照，當時正正係陳展鵬《城寨英雄》預備播出之前！
網民支持Candy做「好鵬友」：真識貨！
對於Candy係「好鵬友」一事，唔少網民都大讚Candy識貨「Candy識貨」「係少女時代ig like 煎pan嘅相」「嗰陣佢先14歲」「一定係望到亞視張相迷上了」「鐘意電視明星其實有咩問題？煎pan 都算有外形又大隻。著西裝真係幾靚仔」網民話其實陳展鵬眼鏡look都真係幾型！
