黃智雯自資企劃半真人Show追夢勇氣傳遞正能量

自主拍攝挑戰與機遇

黃智雯一直夢想自主製作節目，希望能將正能量傳遞給更多人。過去因忙於拍攝電視劇而未能實現，現在終於抓住機會，決定自資拍攝半真人Show，計劃製作五集。她在網上公開招募故事，涉及夢想和勇氣等主題。「今次企劃可以話係由零開始，由籌集故事到拍攝，都係落手落腳去搞，自主性好高嘅拍攝，過程中，最大困難係挑選故事，因為收集咗好多不同類型，每個故事內容都好好，但又唔可以全部拍出嚟，所以係好傷腦筋。」

為粉絲實現夢想

黃智雯決定先為多年支持她的Fans Leader實現夢想，並為其籌辦神祕生日派對。「咁多年嚟嘅Fans Meeting都係佢哋為我準備、畀驚喜我，我哋可以話係一齊成長，有部分fans更加係我睇住佢哋長大，好似今次Fans Leader咁，佢好似我嘅縮影，佢由以前驚驚青，到而家成為Leader，好似我以前都好冇自信，但為追夢竟然有勇氣放棄空姐入行，入行後亦要有勇氣面對好多人、挑戰好多新角色。」為了這次的神祕派對，黃智雯親自下廚，並即場獻唱多首歌曲，包括由Fans作曲、填詞的《慢遞》。「呢首歌係粉絲送畀我，當時佢哋用咗我啲角色名去填詞，不過今次我就將啲歌詞再填過送畀佢哋，因為有啲說話都想透過歌詞講畀佢哋知！希望可以憑歌寄意，亦係我第一次嘗試填詞！」

準備派對點滴

為了這次的驚喜派對，黃智雯準備了一個月，她自言烹飪時需要極度的寧靜。「我煮嘢食好似冥想咁，要好寧靜，我通常都會關門，然後上網睇住食譜，自己一個人沉醉喺廚房，唔可以畀人騷擾。」她的廚藝受到家人的影響，尤其是婆婆和媽咪。「婆婆同媽咪煮嘢食都好叻，我一問，佢哋就會教我點煮，所以我深受佢哋影響，老公可以食到家傳味道，佢係好感激嘅。」