張敬軒美加巡迴首站拉斯維加斯開唱粉絲熱情高漲
粉絲克服困難到場支持
儘管近期全球交通受到影響,許多歌迷仍然克服重重困難從世界各地趕來觀看演唱會。張敬軒對此表示深深的感激:「多謝大家不理千里、萬里嚟到拉斯維加斯嚟睇我嘅演出,知道增加咗佢哋嚟嘅難度,有啲要飛廿幾個鐘、有啲飛咗去某個地方,然後要坐十個鐘頭車到,各式其適以唔同嘅方法抵達演唱會場地,好彩大家都可以齊齊整整嚟到。」當晚的演唱會曲目豐富,包括新歌《青春告別式》和多首經典歌曲。當《餘震》大合唱時,張敬軒分享了一個有趣的經歷:「你哋知唔知啱啱嗰刻知唔知發生乜嘢事?我喺台度,好多朋友同我一齊唱呢首歌,突然之間見到呢位外籍女士,佢識唱《餘震》呀!佢真係好犀利!突然間令到我覺得自己好似一個外國明星,好犀利呀!我第一次見到有外籍人士唱我啲歌,除咗我『遮遮』之外。好神奇!我想話,你(外藉女士老公)都真係好有福氣,你老婆愛你愛到連廣東歌都學。」
互動環節增溫演唱會氣氛
演唱會中的互動環節也非常精彩。在落台握手環節中,張敬軒特別提醒歌迷要注意安全,他開玩笑地說:「上次我哋喺新加坡,因為大家太熱情已經撞跌我支咪,我支咪特登send去德國整,整咗我兩隻勞力士嘅價錢,所以希望陣間大家唔錫住我唔緊要,一定要錫住我支咪,知唔知?哈哈。我好易搞嘅啫,但係我支咪難搞。」此外,張敬軒還模仿Adele的方式向歌迷發放T恤,但他加入了更多樂趣:「佢送禮物送T恤俾觀眾係有支槍嘅,一射就射到好遠,但今次我冇準備到支槍,但我準備咗一支炮!因為佢應該可以射到好遠,哈哈。好彩今晚唔係好多小朋友喺度啫,事不宜遲,呢個時候我請我支炮出嚟先,呢個美國friend好勁,佢可以射得好⋯⋯ 呀,唔係,揈得好遠㗎。」