《Di-Dar音樂劇場》瘋狂歌舞:梁祖堯與演員們跳唱夢想
音樂與挑戰
為了配合《Di-Dar》的故事,劇中的歌曲也充滿驚喜。「我哋揀咗好多歌喺裡面表演,戲軌係我哋呢班人周圍拼湊埋一齊,無啦啦變咗跳唱組合,仲紅咗添!我哋會唱好多同殯儀有關嘅改編歌,但係啲歌完全係挑戰人類底線嘅極限,因為啲歌詞係挑戰禁忌,挑戰道德底線,同埋好好笑,我第一次睇嘅時候,我喺屋企笑咗出嚟。點解會有嗰啲歌,係因為戲軌係我哋唱呢啲歌,然後成為組合紅咗,好受歡迎,有好多fans,但啲fans都係孤魂野鬼,都係啲死咗或者想死嘅人,現實裡面做唔到呢件事,喺劇場世界裡面,就可以盡情發揮自己,我自己亦終於可以一圓成為跳唱歌手嘅夢想。」
舞蹈設計與挑戰
負責編舞的KaKit及Larry首次為多位演員設計舞蹈,其中包括資深演員邵美君和葛民輝。KaKit表示,因為這兩位都非常有表演經驗,所以他們只提供一些基本框架和步驟,讓演員們自由發揮。「例如我哋只係指導邊個位做邊啲,阿葛會問返我哋係咪想妖啲定係型格啲character、動作俾阿君,然後我哋就可以再度啲妖啲嘅俾阿君去試,然後就做到啲好妖嘅嘢出嚟。」Larry補充說,所有演員都有基本的節拍感和音樂感,這使得整個教學過程變得更加容易和快速。沒有舞蹈底子的Grace則認為最重要的是享受過程,與觀眾分享快樂的雰圍。
舞台上技術挑戰
為了應對舞台上的表演,Larry和KaKit為有舞蹈底子的演員設計了一些難度較高的動作。「我哋有個動作係要做側手翻,我哋好多人都未做到,包括我自己都未做到,諗住利用呢一個月練。」Sica則自嘲說,她原以為自己的舞蹈能力不錯,但面對locking、wave、isolation等不同舞種時,她的舞蹈認知和能力被突破了。「原來我個骨頭係好多障礙,另外側手翻我都係唔識㗎,然後當佢哋話仲要度多個前滾翻,我話我真係學唔切喇!」