陳健安生日推出首張彩膠唱片《Life afteR Life》分享與母親溫馨回憶
彩膠與CD不同之處
《Life afteR Life》彩膠唱片共收錄了10首作品,與同名CD大碟的13首略有不同。「黑膠主要收錄最原汁原味嗰10首,因為佢嘅容量有限,所以《厭惡物圖鑑》合唱版同埋《仍然是那個少年》、《好好掛住》嘅另一版本,就要喺CD先至聽到。」彩膠的封面設計非常獨特,陳健安靠在一把綁有拼布的椅子上,每一塊拼布都代表著他的過去。「《創作者的派對》同歌迷玩咗一個遊戲,我畫一筆,佢哋再不停畫上去,我第一張專輯《本原》嘅封面都包咗喺張凳上面。」他解釋說,這張封面的概念是「你嘅過去成就而家嘅你」,展示了他的成長與變化。
彩膠內頁特別之處
至於彩膠的內頁,則與CD大碟相似,記錄了每首歌的創作過程和創作人的想法,就像一本日記。「The meaning of life is to find your gift. The purpose of life is to give it away.」這句話深刻影響了陳健安,他甚至將其紋在了自己的手臂上。「我嘅禮物就係我嘅感受,然後用音樂嘅方法送出去。」他翻看彩膠內頁時,看到與父母的童年合照,勾起了許多美好的回憶。「阿媽抱住我,呢張相喺屯門市鎮公園影。嗰時佢抱住我周圍去,而家到我帶佢去旅行。」他分享了最近與母親去福岡旅行的經歷,每次都會選擇雙方都未曾到過的地方,希望能一起經歷更多的「第一次」。