R.I.P潮人潮星永遠懷念！頂好眼鏡創辦人Simon Chu
廣告
而家大家認識最有名嘅潮流眼鏡店，可能係上目眼鏡店同VISUAL CULTURE，但係佢哋都係喺00年代尾開業，只係後輩，遠喺40多年前，喺旺角開咗間頂好眼鏡，當時本地絕大部分人都純粹當眼鏡只係工具，頂好眼鏡喺70年代已經開始推廣時尚眼鏡。90年代頂好引入ARMANI同好多外國眼鏡品牌，備受本地大量潮星明星追捧，黃偉文、鄭秀文、蘇永康等等都係熟客，有聞日本嘅NIGO都去過幫襯。好可惜，呢間本地潮流眼鏡龍頭店嘅創辦人Simon Chu啱啱離逝，未能睇到頂好眼鏡走到最後，呢位咁有遠見嘅前輩，值得所有鍾意眼鏡嘅人致敬。
頂好眼鏡出晒名係星級潮流眼鏡店，而鄭秀文及蘇永康就係長期fans。
潮流專欄作家陳錫海同VISUAL CULTURE店長Pazo都喺facebook，悼念呢位眼鏡前輩。
>
內容延讀：
>戴超有型但都要有好髮型！唔使2分鐘擸個型頭
>眼鏡同表都係重要小物！睇埋廿萬隻SNOOPY × ROLEX
掀起ARMANI鵝蛋鏡狂熱
Simon年輕時曾經喺法國同挪威生活過，吸收咗好多外國時裝養份，決心將呢時裝眼鏡引入本地。90年代前戴Ray-Ban已經好型，眼鏡同時裝幾乎冇關係，後嚟JEAN PAUL GAULTIER、Yohji Yamamoto等時裝品牌開始大造眼鏡，當年本地冇鋪敢入呢啲時裝眼鏡，因為來貨價貴，Simon獨具慧眼，大手買入GIORGIO ARMANI 122鵝蛋形金絲框眼鏡，更賣到成行成市，後嚟再引入大量歐美品牌，好似Vivienne Westwood、alain mikli、ALEXANDER McQUEEN等，自此從來冇離開過潮流。
[…] ＞一齊懷念！頂好眼鏡創辦人SIMON CHU […]