泳兒入行17年終奪女歌手獎 私下勁貼地原來係連登女？！

泳兒入行17年終奪女歌手獎 私下勁貼地原來係連登女？！

今年1月1日正式頌布2022年最後一張樂壇成績表，泳兒入行17年終於獲得「叱咤樂壇女歌手」銀獎，上台一刻她都忍唔住爆喊，感動地說道：「我用咗17年終於攞到 我自己可以用我嘅歌曲為我發聲。喺我最迷失嘅時候，多謝我嘅音樂團隊，17年我都可以做一個有夢想嘅人，多謝我每一個Fans，每一個留言我都有睇。同等緊一個機會嘅人講，無論你做緊咩工作都要堅持，我都每一個人都有能力創造奇蹟。」。其17年來的努力亦令不少樂迷為之感動。

泳兒疑似係連登女？

泳兒因獲得女歌手銀獎，在網上的討論度再次大增。有連登網民就發現泳兒疑似是成員，曾經有一位連登網民在討論區上傳數條唱歌的音頻，再次被翻出後令一眾連登仔驚覺呢位「連登女」聲音與泳兒十分相似，直言「睇返舊Post先知原來泳兒係連登仔，曾經扮素人清唱」。

幾年前已被指「似泳兒」

呢位疑似是泳兒的網民曾在討論區上開了3個post，當中全部都是點唱post，而網民點唱後她便會上傳自己翻唱的音頻，其聲音在幾年前已經被指「似泳兒」。而近日因為泳兒奪下女歌手銀獎，其post再被翻出，並遭到網民認定其就是泳兒本尊。亦有人指出該名網民曾指自己姓「陳」，與泳兒的姓氏亦不謀而合。

17年後終奪女歌手獎

泳兒自出道至今都推出過不少扣人心絃的歌曲，多首經典曲如《感應》、《我的回憶不是我的》、《花無雪》都十分受歡迎。而今年終於獲得女歌手銀獎，絕對是實至名歸，亦有唔少樂迷期待泳兒在來年有更好的發展，並推出更多歌曲。

聽聽冠軍歌！