Coffee力撐著瑜伽褲出街：我要為所有鍾意著瑜伽褲出街嘅女仔出返啖氣！

Coffee力撐著瑜伽褲出街：我要為所有鍾意著瑜伽褲出街嘅女仔出返啖氣！

Coffee近日上傳一系列去拜山的照片，而由於氣溫過高，Coffee穿著輕便的運動裝以及一條瑜伽褲，怎料穿著瑜伽褲去登山祭祖卻成為了一眾網民攻擊的對象，有網民直言「拜山都著瑜伽衫」、「佢個個性就係咁，喜歡人睇，驚死人唔認得佢呀嘛」，亦有網民揶揄「仙人都會睇得好開心」、「死人要睇，生人都要睇」。

忍唔住出聲反擊網民

Coffee對於一眾抨擊都忍唔住出聲反擊，她解釋當日由柴灣行到山頂凌霄閣，都係做緊運動，仲行到身水身汗，她反問網民：「咁我想問著運動衫係有乜嘢問題？總好過我著到登台咁去拜山啦係咪？同埋我之後都係去郊外風箏場野餐同放風箏，全日都係運動日」、「我唔著瑜伽褲，唔通我著條裙去會合理啲？」。

Coffee舉行30日著瑜伽褲挑戰

之後Coffee更是特意出一個post討論關於瑜伽褲之問題，內文如下：

我有嘢講
係香港女仔著leggings 輿論一直冇減退過
好與壞各執一詞
某部份人更加將‘女仔着瑜伽褲’貼上壞標籤
但我唔明白點解着自己鍾意嘅衣著出街
都要俾人討論？
如果你覺得我哋着得唔靚又貼身又肥又露
難道我哋又一定覺得你嘅衣着好好睇？

我想講喺呢個世界上需要討好既人就只有自己
自己鍾意着咩出街唔到其他人理（只要合法）
既然點著都會被標籤既話
我著我嘅事，由我自己標籤
我決定嚟一個 ‘30days of leggings’
無論食飯行街去Event去買餸
任何諗得出嘅場合都着leggings(情況許可既話）
我要話俾所有人聽我鍾意着咩衫係我話事 唔係你

歡迎大家呢30日
每日都去我嘅IG Story highlight
睇我着唔同既瑜伽褲出街
（如果夠瑜伽褲嘅話）
我要為所有鐘意著瑜伽褲出街嘅女仔出返啖氣🤘🏽（包括我）

#本來我性格比較隨和
#但連我都忍唔住要出聲啦
#互相尊重

東方昇力撐！

網民對於Coffee大膽講出聲都感到尊重，十分多網民都支持Coffee的行為。就連「儒家褲」KOL東方昇都力撐：「儒家思想其中一個核心價值就係孝，著儒家褲有咩問題！！！」。首日挑戰Coffee則穿著瑜伽褲接放學，更有唔少女性響應挑戰，一同穿著瑜伽褲出街。