喱DAO女團︳5人變3人約毀拒赴韓國喱騷發聲明追究責任

杜汶澤早前推出的「喱DAO女團」選舉，終於選出了最後四強，杜汶澤仲加入第五名後備成員，準備8月會到韓國，接受韓國星級監製朴忠旻一連串的地獄式特訓，最後再選出真正的4強正式出道。不過事情並唔順利，由其一位女團Lokyiliu被指申請離港被拒絕後，今次到Natalie Law出事，今日杜汶澤喱騷社交平台出聲明，指而家5人變3人，仲要搞到大鑊嘢？！

喱DAO女團 5強人選 — 5強人選（圖片來源：ig＠chapmantoslateshow）

4＋1變5－2 喱騷發聲明要追究責任！

「喱DAO女團」4+1位未來女團成員由Hazelle、Lokyiliu、Summer Lui、Natalie Law、同埋後補Gigi組成。而今日（16日）杜汶澤喱騷社交平台出聲明，指成員Lokyiliu、Hazelle同Summer Lui已經喺韓國進行緊訓練，為出道工作做足準備，不過原本應該係5位，點解變成3位？聲明指出Natalie Law單方面違反同喱騷簽定的合同，無去到韓國進行訓練，杜汶澤更指出已聘請律師處理違約事宜，向Natalie Law追究。而另一位後補Gigi，亦因為私人理由最後都係無參與候選安排。所以經過喱騷決定，最後「喱DAO女團」由4人變為3人。唔少網民都留言想知到底發生咩事，要去到搵律師處理同Natalie Law追究！

喱DAO女團杜汶澤喱騷社交平台出聲明 — 杜汶澤喱騷社交平台出聲明（圖片來源：ig＠chapmantoslateshow）

喱DAO女團杜汶澤參選期間Natalie不停po靚相！ — 參選期間Natalie不停po靚相！（圖片來源：IG@lsy_nataliee）

4+1位未來女團成員逐個睇：

1號 Hazelle 獲杜汶澤親自邀請參選

出生日期：31/12/2000
身高：167
IG：@hazelle.l

參賽者介紹：杜汶澤早前到訪英國時，在街上遇到有潛質的Hazelle（梁穎怡），便立即力邀對方拍片參加女團。現年21歲的Hazelle自小熱愛K－pop，不時分享其跳舞片大晒蠻腰。Hazelle由參選以來一直是大熱人馬，有網友更大讚她貌似BLACKPINK成員Jisoo。Hazelle剛自英國University of Manchester的Linguistics and Sociology課程畢業，性格主動，興趣有行山、彈琴等等，但最有興趣同堅持得最耐的就係跳舞。Hazelle指自己在少女時代同Super Junior的年代已經有追K-Pop、跳K-Pop同拍Cover，這件事能幫到她增加自信，和令她更外向。

杜汶澤喱DAO女團 — Hazelle話自己在少女時代同Super Junior的年代已經有追K-Pop、跳K-Pop同拍Cover，這件事能幫到她增加自信，和令她更外向。（圖片來源：[email protected]）

杜汶澤喱DAO女團在英國讀書﹗ — Hazelle剛自英國University of Manchester的Linguistics and Sociology課程畢業。（圖片來源：[email protected]）

喱DAO女團杜汶澤 Hazelle性格主動，興趣有行山、彈琴等等，但最有興趣同堅持得最耐的就係跳舞。 — Hazelle性格主動，興趣有行山、彈琴等等，但最有興趣同堅持得最耐的就係跳舞。（圖片來源：[email protected]）

5號 Lokyiliu 願意出席富豪飯局

出生日期：24/06/2003
身高：164
IG：@Watashiwa.lokyi

參賽者介紹：擅長跳舞的Lokyi亦係女團大熱人馬之一，有不少網友都話覺得佢好正！今年只得19歲的Lokyi話自己是一個開心樂觀的人，行藝術方面的路，是她由細到大的夢想，現在她正箍牙，她指約兩、三個月後就可以拆下。網友都大讚她身型好fit，跳舞亦好睇，仲有點「無厘頭」搞笑潛質，但她日前在和杜汶澤直播會面時，卻笑指自己在公司有需要的情況下，會願意出席富豪飯局，被不少網友指韓國娛樂圈好介意這類潛規則事件，認為她用這個話題來講笑，很容易會被人加以標籤。

喱DAO女團杜汶澤有網友指Lokyi應該改改個髮型，不要再留齊蔭頭會更加好看。 — 有網友指Lokyi應該改改個髮型，不要再留齊蔭頭會更加好看。（圖片來源：[email protected]）

喱DAO女團杜汶澤行藝術方面的路，是Lokyi由細到大嘅夢想。 — 行藝術方面的路，是Lokyi由細到大嘅夢想。（圖片來源：[email protected]）

喱DAO女團杜汶澤 Lokyi擅長跳舞，有網友大讚覺得佢好正！ — Lokyi擅長跳舞，有網友大讚覺得佢好正！（圖片來源：[email protected]）

8號 Summer Lui 被田蕊妮睇高一線

出生日期：24/06/2001
身高：156
IG：@luisummer

參賽者介紹：樣子甜美兼跳舞底子高的Summer最得田蕊妮同李捨壹歡心，網友亦力撐她可以勝任女團主舞擔當。Summer又叫SumSum，今年21歲，正在墨爾本大學修讀year 2 Architecture，好鍾意跳舞同表演，細個已經會成日同阿妹排完隻舞自己在屋企跳，甚至在迪士尼睇完米奇老鼠頒獎禮後，會一五一十同細妹一齊表演返出來。Summer指K-pop可以話已經滲透晒她成個中學生涯，所以好明白所有idol都係經過漫長又嚴厲的訓練，先可以出道到。

喱DAO女團杜汶澤 Summer正在墨爾本大學讀緊year 2 Architecture，好鍾意跳舞同表演。 — Summer正在墨爾本大學讀緊year 2 Architecture，好鍾意跳舞同表演。（圖片來源：IG@luisummer）

喱DAO女團杜汶澤 Summer細細個已經會成日同阿妹排完隻舞自己係屋企跳，甚至在迪士尼睇完米奇老鼠頒獎典禮會一五一十同細妹一齊表演返出嚟。 — Summer細細個已經會成日同阿妹排完隻舞自己係屋企跳，甚至在迪士尼睇完米奇老鼠頒獎典禮會一五一十同細妹一齊表演返出嚟。（圖片來源：IG@luisummer）

喱DAO女團杜汶澤 Summer指kpop可以話已經滲透晒她成個中學生涯，所以好明白所有idol都係經過漫長又嚴厲的訓練，先可以出道到。 — Summer指kpop可以話已經滲透晒她成個中學生涯，所以好明白所有idol都係經過漫長又嚴厲的訓練，先可以出道到。（圖片來源：IG@luisummer）

杜汶澤喱DAO女團 Summer入圍16強，即出感謝文﹗ — Summer入圍16強，即出感謝文﹗（圖片來源：IG＠@luisummer）

48號 Natalie Law

出生日期：18/05/2001
身高：156
IG：@Lsy_nataliee

參賽者介紹：21歲Natalie透露自己由5年前開始行出comfort zone，到英國追舞，主修jazz，但係同樣擅長跳ballet、hip hop、lyrical同contemporary。Natalie形容自己是一個表面內向，但熟悉後就會講嘢講到停唔到嘅女仔，因為知道表演藝術行業嘅殘酷，所以她成日都會對自己好高要求好harsh，唔夠膽比自己休息，因為呢個世界所有人都好辛苦，所有人都好努力，所以佢一定要不斷進步先唔會畀人超越。值得一提是Natalie非常擅長利用社交網絡去吸人氣，在拉票期間不停po靚相和story，最終成功以兩票之差打入四強！