雪姨、Sunny相繼出事唔再拍片網民盤點最唔想見到嘅youtuber

近年YouTube大行其道，令一眾 Youtuber 都變身KOL成為公眾人物。今年有幾位 YouTuber 因為失言或做錯誤行為，而引致招來網民批評和攻擊，最後淡出YouTube界。有網民近日就喺網上發帖問大家仲有邊啲時下YouTuber最想佢哋唔好再出現，其中有位 YouTuber 同Sunny一樣涉嫌抄襲嘅事，但係竟然有網民繼續撐佢？！

肥蛙

肥蛙（Mandies Kwok）是一位90後Youtuber，亦是一位本地插畫師。雖然外形不算驚豔，屬於鄰家女孩感覺。但肥娃人氣不容小覷，在Youtube上的訂閱數量達32.3萬，IG上亦擁有25.8萬名followers。有網民就提及原創公仔「肥蛙」抄襲chocolate rain，犯下同Sunny一樣嘅錯，因此「榮登」最想佢躝的youtuber之一。但亦有網民表示肥蛙個樣夠靚女，值得原諒！

波仔（Boris）

波仔（Boris）年僅22歲主要拍生活短片，初頭主要孖住家姐黃爾汶（Agnes）拍片，短短幾年Youtube獲得28.7萬訂閱。不過網民普遍對於波仔今年拍片炮轟連登網民對周慧賢命案口無遮攔，呼籲網民要尊重女性，但另一方面又曾經有不尊重女性黑歷史，波仔與另一名YouTuber Ricko合作拍攝的影片，影片內容是關於「老婆，女朋友，SP」之間的選擇題，當中兩人在片段中不斷例舉出不同女性KOL，選擇對方成為「老婆，女朋友，SP」其中一個。種種行為被網民大罵係「雙面人」，因此上榜。