梁競徽3大行為表忠！着李寧牌波鞋內地登台搵真銀

梁競徽落惠州酒吧搵錢 攬住肥佬近距離對唱

日前，梁競徽著上我國國際馳名品牌——李寧牌波鞋，到惠州某酒吧登台搵人仔。可能係太耐冇唱歌，佢嘅歌藝可以話係十分難聽。不過佢嘅優點就係有自信，用瘋狂走音嘅聲線，現場真唱降key版《我的親愛》。

雖然已經遷就徽徽降咗key，不過徽徽仍然表現得十分不理想。不過徽徽點講都好，都係個有經驗嘅藝人，就算深知自己唱功麻麻，都見佢十分投入咁係台上演出，其奔放嘅台風完全掩蓋咗走音弊病。

雖然徽徽喺台上陶醉於自己世界，台下嘅觀眾就唔係太開心啦。不少人舉起手機拍下佢喺台上左搖右擺嘅樣，上載去抖音到恥笑佢。

徽徽可能唱得太high，與同台嘅肥佬兩人瘋狂深情對望，基情四射！二人攬頭攬頸，深情合唱。兩個人距離越行越緊，到最後僅僅距離幾寸，雙方口水都互相「觸碰」到對方。佢用自己嫩手拗住肥仔條腰，將自己個頭嬌羞地埃住肥仔膊頭，落曬力討好對方～

三大發文表忠心 大讚中國美麗 安全 強大

梁競徽最近喺微博頻頻表忠心，不但日日對中國感恩，仲玩曬花式咁讚中國。佢先出post透露自己喺內地度假，仲留言稱中國係最安全嘅國家。

其後，佢又對著山頂國旗拍短片，並留言一個——「美」字，讚嘆國家國旗嘅美麗。

仲有梗係要讚揚中華人民共和國解放軍嘅強大啦，佢轉載中國時報嘅中華人民共和國解放軍宣傳片，並附文稱我軍強大！小編睇到都不敢被佢澎拜嘅愛國心感動，眼眶濕潤。