【電競】打機再唔係「不務正業」 中國正式設立電子競技員職業

撰文：odin | 圖片來源：Twitter@T1 LoL

【電競】打機再唔係「不務正業」

喺新冠疫情之下大陸電競產業持續逆勢快速增長，玩家人數快將突破5億人，其中女性及45歲以上玩家人數快速增加，2020年大陸電競產業佔全球電競行業的35%高達3.85億美元，更首度超越北美成為最大嘅電競市場，目前大陸營運緊嘅電競團隊及俱樂部多達5,000家，電競職業選手約10萬人，整體從業規模更超過50萬人。根據國內消息指：「電子競技員係指從事唔同類型嘅電子競技項目，包括：比賽、陪練、體驗及活動表演嘅人員，「電子競技員」呢個新職業嘅設立，對於建立健全電子競技選手嘅規範化管理和職業標準，進一步保證和提升電子競技賽事嘅競技水平及質量，滿足廣大電競愛好者嘅需求，提高企業經濟效益、推動電競行業更好更快地發展都具有重要嘅意義。2020年9月8日，電子競技員國家職業技能標準評審會喺北京召開，標誌住相關職業技能標準嘅頒布正式進入「倒計時」。直至2021年2月人力資源社會保障部正式頒布電子競技員國家職業技能標準。」

【電競】中國正式設立電子競技員職業

「電子競技員」將會分5個職業技能等級，分別係五級/初級工、四級/中級工、三級/高級工、二級/技師及一級/高級技師，一級為最高級別，申報五級需從事電競相關工作1年以上，申報四級需從事電競相關工作達3年以上，申報三級需取得四級證後繼續從事相關職業2年以上或取得電競國家級賽事嘅參賽資格，申報二級需取得三級證後繼續從事相關職業2年以上或取得電競國際賽事嘅參賽資格及國家級賽事嘅獎項，申報一級需取得二級證後繼續從事相關職業4年以上或取得電競國際賽事獎項。從事工作包括：參加電子競技項目比賽，進行專業化的電子競技項目陪練及代打活動，收集和研究電競戰隊動態、電競遊戲內容，提供專業的電競數據分析，參與電競遊戲的設計和策劃，體驗電競遊戲並提出建議以及參與電競活動的表演。

相關文章

【科技控】中國成都推「電競勸退班」 利用高手粉碎青少年「電競夢」