《漆彈大作戰3》等多款遊戲最新消息 Nintendo Direct發布會懶人包
撰文：odin | 圖片來源：官方圖片
【Nintendo Direct】《戰國無雙 5》今夏登上Switch，殺入全新戰國時代
Nintendo Direct今次喺發表會度公布咗《戰國無雙 5》 Switch最新消息，包括久違嘅織田信長及明智光秀全新樣貌，新作將會從兩人嘅視角敘述戰國物語，目前已經確認將會推出喺Switch、PS4 以及PC三平台，光榮同時已經確認2月25日22:00將透過官方節目公布發售日以及更多產品消息。
【Nintendo Direct】《漆彈大作戰 3》全新舞台、漂浮作戰震撼回歸！預計2022年夏天推出！
Nintendo Direct今次喺發表會度正式公布Switch《漆彈大作戰 3(Splatoon 3)》震撼回歸，預定2022年夏天發售，影片內揭曉咗人物角色及小夥伴嘅客製化系統，另外附加個充滿香港風情嘅全新舞台、弓箭類新武器以及半空作戰嘅漂浮平台道具等。
【Nintendo Direct】《魔物獵人 崛起》公布參戰魔物！
Nintendo Direct今次喺發表會上公布《魔物獵人 崛起》最新消息，公開咗全新魔物：妃蜘蛛、岩龍、赤甲獸、泥翁龍、角龍、雌火龍、金獅子等7隻，加埋先前公開嘅合共23隻魔物。新魔物「妃蜘蛛」會利用絲線封鎖獵人嘅動作再展放火焰攻擊。另外同行嘅幼體「臣蜘蛛」會輔助妃蜘蛛移動嚟捕捉獵物，「泥翁龍」擅長用泥作出攻擊，亦會將泥覆蓋喺身度強化自身，再喺尾巴分泌出金色特殊溶解液溶解地面，再潛入地下阻止獵物前進。地圖部分增加咗「沙原」及「熔岩洞」兩張地圖，加埋先前公布共公布咗5張作戰地圖。
【Nintendo Direct】《異度神劍2》女主角焰/光加入《任天堂明星大亂鬥 特別版》
Nintendo Direct今次發表會宣布《任天堂明星大亂鬥 特別版》的季票新角色，正是嚟自《異度神劍2》的女主角焰/光，原作度焰/光係同一把神劍「天之聖杯」嘅人型態，初時係焰型態，隨住劇情發展將會變成天之聖杯真正型態「光」，喺《任天堂明星大亂鬥 特別版》裡面玩家可以自由切換焰/光兩個型態，兩者招式將有部分不同，焰/光DLC預計喺三月份推出。
【Nintendo Direct】《薩爾達傳說 禦天之劍 HD》新玩法正式發表
Nintendo Direct今次發表會公開咗《薩爾達傳說》系列全新作品《薩爾達傳說 禦天之劍 HD》以及《薩爾達傳說 曠野之息2》嘅消息，《薩爾達傳說 曠野之息2》製作人青沼英二喺影片度對玩家表示抱歉，《曠野之息2》重需要一啲時間，目前開發進行得相當順利，預計喺今年內會有新情報畀大家。另外《薩爾達傳說 禦天之劍 HD》版新玩法公布，將會採用2011年喺Wii度發表嘅《薩爾達傳說 天空之劍》Joy-Con玩法，利用當時「雙截棍」嘅感應特色，玩家可以用體感嚟操控揮劍方向、持盾格檔等動作。這次的而這一次因為 Joy-Con 同樣內建陀螺儀，因此《薩爾達傳說 禦天之劍 HD》也可以用類似過去的方式來遊玩，至於Nintendo Switch Lite主機方面，玩家亦可以用一般方法進行遊戲。
【Nintendo Direct】《動物森友會》x《超級瑪利歐》超強合體2月25日推出！
Nintendo Direct今次發表會公布《動物森友會》同「超級瑪利歐35 週年」嘅紀念合作連動將會喺2月25日Ver.1.8.0免費更新，今次公開嘅道具清單包含各種菇、硬幣、磚頭、超級星星、瑪利歐／壞利歐／路易吉／碧姬公主服飾、地毯、壁紙等，畀大家可以自由喺《動物森友會》度重現水管工世界。玩家需要喺島度設置最少2條水管，先可以好似《超級瑪利歐》咁自由來回唔同據點，如果設置2條以上水管，就會變成隨機方式決定出口位置。
【Nintendo Direct】《忍者外傳 合輯Version D》6月跨平台推出三合一作品！
Nintendo Direct今次發表會公布龍隼回歸，今次將會係3款舊作打包一齊回歸成《忍者外傳：合輯 Version D(NINJA GAIDEN: Master Collection Version D)》6月就會推出，今集將會收錄 3款作品，包括有：《忍者外傳Σ(NINJA GAIDEN Σ)》、《忍者外傳Σ 2(NINJA GAIDEN Σ2)》以及《忍者外傳 3：利刃邊緣(NINJA GAIDEN 3: Razor’s Edge)》，除咗遊戲基本內容外，推出時重會追加下載內容，畀大家再次重溫忍術融合動作嘅高速戰鬥殺敵感。預計6月10日推出喺Switch、PS4、Xbox One以及PC等平台。
有沒有switch遊戲推薦？
作為現時最具人氣的遊戲主機之一的Switch，遊戲種類非常多，必玩最新14款Switch遊戲推薦2022。想一邊打機一邊做運動減肥？這8款Switch健身遊戲絕對令你玩到爆汗，有日本媽媽玩Ring Fit 9個月激減44磅！想慳錢又想玩game，即睇20隻Switch 免費遊戲推薦，總有一款適合大家！
有手遊或者線上遊戲推薦嗎？
以前Online Game都還沒普及，線上小遊戲確為不少90後提供了很多娛樂，當中12個線上經典小遊戲你一定有玩過。《金庸群俠傳》絕對是DOS經典遊戲之一，「在線DOS遊戲」的網站裡面有合共1898款DOS遊戲，無需安裝任何程式！手遊方面，這三款手遊推薦必不可錯過！
