卓韻芝老公打打下機瞓著阿芝多手令遊戲GameOver即向網友求救網友：點解啲老婆咁鍾意攪老公個手掣？！

卓韻芝昨晚（18日）見到老公打打下機睡著，但遊戲畫面正開，於是就手多多偷手掣來玩，對於從未玩過PS的卓韻芝，用了一段時間才懂得手掣的用法，誰料遊戲內的角色慘被射死，畫面頓時變成黑白，GG了老公遊戲，卓韻芝心感不妙，即上網搵網友求救，有網友看到後都表示：點解啲老婆咁鍾意攪老公個手掣？

撰文：宅宅子｜圖片來源：卓韻芝FACEBOOK、卓韻芝IG

老公打打下機瞓著卓韻芝多手GG遊戲內角色

未知大家有否試過，打機期間睡著，又或者行開時，另一半偷偷拿起手掣，貪玩數次，但當玩死遊戲內的角色後，就慢慢扮作若無其事地放下，甚至是開口大叫「呀！死了，GameOver！」呢？卓韻芝昨日就在個人社交網留言，指見到老公打機期間睡著了，但見到遊戲畫面正開，於是就手多多偷手掣來玩。

卓韻芝留言表示：「點好？丈夫先生雙手揸住個手掣瞓著咗，我見個game畫面開住，咪拉佢個手掣試吓玩囉，從未玩過PS，摸咗好耐先知咁多粒掣點用，咁我跑山啦，好快跌死咗，我心諗死喇，點知，有得復活（唔知咩隊友救我=復活）咁我就開始亂跑、亂槍掃射啲樹、跳崖之類，反正有得復活，點知去到一個唔知咩毒販脅持人質芧屋，我被射死（我有對準佢但唔識㩒把槍出嚟）畫面變黑白，之後……冇復活，我真係死咗！我真係死咗！點好？？？我GG咗佢隻game！我而家有少少想將個手掣慢慢zip返入佢雙手就算……請問死咗係咪好大鑊㗎？#唔好問我咩game我只知道要跑來跑去搵毒販 • •」