盤點女星清爽可愛馬尾造型 戴祖儀、何依婷做學霸界馬尾女神！
撰文、圖片：東方新地丨原文刊於：東方新地丨編輯：白子
盤點女星清爽可愛馬尾造型
30歲張曦雯
劇接劇、幾乎所有角色都係高尚專業人士，去到邊都係一副女神格，張曦雯紮起馬尾上嚟其實除咗減齡之外，仲變得親和又貼地。
27歲陳欣妍
陳欣妍成為啤酒代言人後，自爆為拍好廣告勤做gym集中操臀，終於練成迷人蜜桃臀喎！其實點止蜜桃臀吸引，每日睇佢喺IG紮住馬尾晒胸平腹做運動都係享受。
25歲戴祖儀
識唱又識演、外形討好上位極速，戴祖儀仲係會考8A狀元喺英國名牌萊斯特大學法律系畢業，其實馬尾喺學霸身上一樣適用。
26歲梁茵
平民出身公屋長大，梁茵一向渾身鄰家女孩平實氣質，其實紮條馬尾簡單又清爽，真正做番自己。
26歲何依婷
由細到大被媽媽悉心栽培做到一級榮譽畢業生、英美名牌大學交換生再當選埋港姐亞軍成為樂易玲力捧新歡，其實目標為本嘅何依婷都有簡單清新一面，不馬尾學生look更見清純，不 過下次個妝化淡少少會更煞食。
29歲王卓淇
最鍾意喺IG晒身材、晒長腿，王卓淇亦都因此成功達到吸納粉絲目的，如今已經係追蹤超過廿萬粉絲嘅IG大戶。不過過分沉迷用濾鏡美圖變身都唔係好事，王卓淇張張相都唔同樣，手臂又離奇變形。
27歲林穎彤
14歲已經出道拍戲做model，年紀輕輕嘅Bella林穎彤演藝經歷其實好資深。有心搣甩個大唔透娃娃臉，Bella呢個髮型證明梳馬尾其實都可以有輕熟女嘅氣質，成熟得嚟不失可愛。
28歲鄺潔楹
笑容甜到漏，身材又細細粒，本來已經可愛爆燈，再加埋條馬尾，28歲鄺潔楹都時光倒流變學生妹，回到少女時一樣！
26歲余思霆
17年華姐冠軍余思霆招牌長髮貴氣又有女人味，其實冠軍人馬五官出眾，梳起馬尾一樣省鏡仲加添幾分青春氣色。
張曦雯疑太重pad現「怪胸」?
Kelly在社交媒體上公開靚相，大騷Fit爆零贅肉身形，令人羨慕。但相中的Kelly疑似因為穿上重Pad內衣，搞到出現…詳情請看
張曦雯告別短髮造型?
早前Kelly為拍新劇一改形象，將一頭秀髮前短，以清新「男仔頭」造型示人，可惜網民似乎不太受落，唔少fans表示佢…詳情請看
