38歲梁靖琪溫馨原木風豪宅曝光抗疫留家同仔仔玩！

梁靖琪2011年與富豪黃敏豪閃電結婚、大排53席舉行盛大婚禮，結果拍拖一年、結婚生活都係維持咗僅僅一年，梁靖琪 (Toby) 就將第一段婚姻畫上句號。好彩一次婚姻失敗冇令 Toby 對愛情卻步，18年被揭因為健身戀上小鮮肉施雋賢 (Jonathan)，今次低調拍拖低調成婚，終於修成正果！

撰文、圖片：東方新地丨原文刊於：東方新地丨編輯：白子

梁靖琪溫馨原木風之家曝光

梁靖琪和施雋賢結婚不久就宣布造人成功，去年12月27日兒子施睿文（Roman）在養和醫院誕生，九個多月以來，Toby 親力親為湊仔陪玩，個人社交平台充斥一家三口溫馨照片，減少幕前工作，升呢人母嘅 Toby 生活更滿足更豐盛。

海量靚相大晒九個月大寶貝仔同大隻靚仔小鮮肉老公 Jon 之餘，一個唔覺意亦都意外令小兩口豪宅曝光。其實父母都喺無綫位高權重（母親蕭笑鳴人稱芭姐現已離職），Toby 自小不愁吃不愁穿家境富裕，前夫係炒樓巨富現任亦被指家底豐厚家住跑馬地千呎豪宅。婚後 Toby 同老公及囝囝嘅住所地方闊落裝修豪氣又有格調，抗疫居家有得玩水有得開 P，日日留喺屋企都大把節目！