《香港小姐2020》齊接受鄭裕玲、農夫考驗 Do姐大讚佳麗們有樣又聰明最有印象Lisa謝嘉怡｜頭號粉絲
廣告
《香港小姐2020》由最初逾百位參加者，經過多輪面試、考核，現有十五名佳麗正式入圍，近日一眾佳麗又再出動，先穿著晚裝與記者們見面，隨後又再參與錄影節目《港姐有問題》，接受鄭裕玲、農夫考驗，據知下星期大會將踢走三人出局，令戰況再增激烈。
繼上周淘汰咗三位佳麗，《香港小姐2020》下星期一又會有新一輪淘汰，十五位佳麗喺被宣布有冇得繼續留低之前，日前著上晚裝拍攝宣傳片，今次算係入圍後最華麗嘅一次，難怪班佳麗心情都好興奮，不過因為愈foul愈多人，佢地都話呢日既心情有啲忐忑，個個都話同大家相處咗一段時間，如果被foul會好唔捨得大家，個個都希望自己有得繼續留低，不過世事冇咁完美囉!
Do姐點名講Lisa謝嘉怡
今年因疫情關係港姐所有進程都改喺網上舉行，早前十五位佳麗為《港姐有問題》錄影，睇個名都知又係Do姐鄭裕玲同農夫主持啦，佢哋要接受Do姐嘅智力大考驗，事前仲收到一本天書，要佢哋返屋企溫書做功課，錄影完節目，Do姐就大讚佳麗表現非常出色，事關有好多佳麗都喺外國長大，連睇題目都好困難，今次除咗考天文、地理、歷史，就連電視城餐廳個餐牌都要背熟，認真玩嘢!嗰日Do姐雖然話為咗公平唔公開點名講睇好邊位佳麗，但佢就話由蘇格蘭返港參選嘅Lisa謝嘉怡畀佢印象好深刻，咁咪即係間接點咗名囉!
