【足不出戶買餸】唔出街都買到餸菜、日用品！8大超實用網購平台

香港近日爆發第三波新冠肺炎疫情，不單止經已連續7日單日過百確診，早前行政會議通過7月29日起食肆全日禁堂食。唔少市民都決定減少外出用膳，改為自己準備一日三餐。留家防疫最好就減少外出，其實有唔少網購平台可以足不出戶就要到日用品同餸菜，即刻睇睇！

撰文：海月｜圖片來源：各大平台

【足不出戶買餸】唔出街都買到餸菜、日用品！8大超實用網購平台

1. 日本直送食材Oisix

Oisix主打日本直送優質食品，每樣產品更會表明產地，特別聲明所有肉類絕無打激素、荷爾蒙、瘦肉精等等，用家絕對食得放心。

而且推出「Ｏisix Weekly」服務，會每星期定期自動送貨，貨品會每星期自動更新，用家亦可按個人喜好搭配食材，非常方便。現時登記成為新會員更可獲贈$100優惠券及30天冷凍通行證。

訂購網址：https://hk.oisix.com/

2. 本地農場直送食材Jou Sun

收錄超過50間本地農場及進口商、超過1500種貨品，而且唔少都係農場直送食材，無論肉類、蔬菜、海鮮、麵包等應有盡有，最低訂購只要$100，而且最快翌日就送到！買滿$500更免運費，而首次購物更享9折優惠！

訂購網址：https://www.jousun.com/ch/

3. 預先洗切醃好新鮮餸「妳想煮意」

「妳想煮意」係一間專門聘請婦女設計及製作即煮餸嘅，即煮餸係預先洗切醃好的新鮮食材，用家購買後烹煮10至15分鐘即可食用，非常容易便可煮到新鮮的住家飯。最低訂購只要為$120，不過就有月票計劃，包括每星期8款餸盒及每星期一次送貨服務，售價為$1,880。

訂購網址：https://www.festyle.hk/

4.　本地魚菜直送

呢個APP由「蔬菜統營處」推出，提供新鮮本地有機、信譽蔬菜、水耕菜苗及鮮魚訂購。買滿$250可加$28享用送貨服務，買滿$400更會免費送貨。

下載連結：IOS/Google Play

5.　直播揀海鮮「鮮直送」

「鮮直送」可以話係一個相當「潮」嘅平台，因為用家可透過手機APP，24小時享用海鮮直送服務。而「鮮直送」更係每日由香港仔魚類批發市場直接選購海鮮，用家可提早落單，亦可即日喺在APP上透過直播遙距選擇心水海鮮，揀好後職員會透過鏡頭磅重，包裝好後會喺3小時內直接送上門。而買滿$300就可享有免費送貨服務。

訂購網址：www.freshgo.hk

下載連結：IOS/Google Play

6.　百佳網店

百佳（Parknshop）網店不定時會將消毒藥水、漂白水等新貨上架，但很多時候都會被一些「炒家」利用BOT（即自動購買軟件）來搶購，令一般的市民難以購買，但大家只要留意以下技巧，把握時機，以正價購買心水消毒用品，就簡單得多了！

1. 注意網店上架時間

百佳網店每日都會在下午3-6時，將大部份的貨品上架或補給，但有些貨品則會隔日補給，所以大家可以在這段時間內先入百佳網店，看看有沒有想購買的心水貨品，但大家千萬不要心急去埋單，因為就算有貨，沒有「送貨時間」的話，也是未能成功，為免得不償失，所以最好先將心水貨品先加入購物車中，這樣就可以先暫Hold貨品，留待翌日一次過埋單兼整送貨時間。

2. 選購貨品的數量不宜太多

了解大家看到心水貨品時，都會想一次過購買，但這樣做的話，有可能會導致結帳時，因過多貨品會延長埋單時間，從而令一些貨品的存庫數量太少，又或者慢了數秒而被其他人買走，所以時間決定一切之時，就建議大家購買貨品的數量及種類不要太多。（雖然這樣做會因不足$600而要另加$50的行政費用，但也好過買不到，甚至要捱炒價吧！）

3. 網站會更新送貨時間

百佳網店幾乎每日早上11時就會更新10日後的送貨時間，之不過每日朝同樣的時間亦是系統最繁忙、最多人入站的時間（排起隊上來，分分鐘要花近1小時才能進入網站），為免遲入站，所以最好提早一個鐘或一個半鐘來排隊，相信這樣大約10時許便能進入網站。當進入到網站後，就最好再反覆查看一下，想要購買的心水貨品是否足夠，否則埋單時會因貨品不足而出現「彈單」的情況；與此同時，大家最好每10-15分鐘就郁下頁面，避免網站誤會不動而被彈出網站。

當大家檢查好一切後，在10:45分時，大家就要進入購物車內，選擇好送貨地址及等待網站更新「送貨時段」，系統準時更新後，就可以選擇時間及按埋單即可。

購買前，最好再反覆查看一下，想要購買的心水貨品是否足夠，否則埋單時會因貨品不足而出現「彈單」的情況

7大注意事項：

1.存庫數量太少的貨品不宜購買太多，最好選擇購買1件。
2. 貨品種類亦愈少愈好，以免令交易時增加。
3. 結帳前最好先再查看一下是否有貨＜否則「彈單」，好易錯失黃金機會。
4. 進入網站後，最好每隔10-15分鐘郁下頁面，以防被彈出網站。
5.選擇好送貨地址及等待網站更新「送貨時段」期間，在「送貨時段」一欄中，記得先「按此」以選擇送貨地區，然後再Refresh，直至成功按入為止。
6.若曾在百佳網站內購買過物品，只要輸入早前的信用卡資料便可（有部份信用卡是需要OTA確定）。

7. 成功購買後，可以再看查看收據，確保自己成功購買心水貨品。