張松枝憑劇集《二月廿九》人氣再度急升 網友公認為港版孔劉？！｜頭號粉絲
廣告
張松枝是公認好戲的綠葉王之一，自2012年離開無线後，先後拍劇又轉戰影壇，而早前張松枝再憑ViuTV劇集《二月廿九 》中演「辰叔」而再度人氣急升，特別是與戲中女主角吳海昕的一段父女情，既演繹細膩，同時又令人感動，至於在現實生活中，張松枝對於家庭甚為緊慎，與太太、囝囝過著平淡又實在的生活。
撰文、圖片：東方新地｜編輯：八卦妹（原文刊於：東方新地）
張松枝結婚低調享受家庭樂
而現實中張松枝都係為人父，結婚12 年，囝囝今年11歲，不過張松枝對家事向來低調，極少晒家庭照。唔晒唔代表關係唔 好，早幾日張松枝就同太太、囝囝一家三口家庭樂，一家之主嘅佢負責揸車，泊好車落地，企埋一邊等埋太太同囝囝，然後三人行去商場買吓嘢，之後去食飯，生活平淡 但實在！
妻子為有名化妝師 林峯做媒人撮合
張松枝甚少刻意提及太太，原來太太係行內有名嘅化妝師 Mae Von，以前係林峯嘅御用化妝師，當年仲係林峯介紹佢哋認識，係張松枝同太太嘅媒人！依家張太係一 間化妝學校嘅校長，桃李滿門，已經好少再幫人化妝，除咗佢老公啦！
網友公認為港版孔劉？！
2016年韓國電影《屍殺列車》在亞洲各地均大獲好評，觀眾不但對緊湊的劇情滿意，更大讚演員們演技出色，無論是男主角孔劉、大隻佬馬東錫、大肚婆鄭裕美、奸角金義聖、學生哥崔宇植、昭熙，甚至是一班喪屍們都讚口不絕，甚至公投開拍港版的話，與孔劉最似莫過於張松枝。
網民公投香港版《屍殺列車》演員
男主角──張松枝
單單說張松枝一名，大家可能不知道他是誰，但一看到他的照片你便會認識。不少網民都指在戲院中一看到孔劉的樣子，便立刻想起張松枝。現在看到2人的圖片，的確有幾分相似。
