林德信笑容冧死女 衛詩雅：佢係我杯茶！

撰文、圖片：東方新地

林德信衛詩雅首次合作互戴高帽

講緊阿Lam個仔林德信囉，入行多年工作態度同做人態度都人人讚好，呢啲咪好家教囉。「第16屆香港亞洲電影節2019」日前舉行開幕禮，《再見UFO》和《獅子山上》成為今年開幕電影，林德信和衛詩雅在電影《獅》乃首度合作，首映禮上互讚對方，林德信話：「佢好大膽又好投入，佢有嘅嘢我冇，大家做到互補不足！」

詩雅：林德信係我杯茶，但只可做朋友

詩雅則笑謂林德信笑容可以融化人，大讚對方是自己杯茶：「絕對係『我杯茶』，咁靚仔喎，不過做佢另一半就慘啲，佢嘅笑容可以融化人，做錯事笑一笑，另一半咪軟化立即原諒佢！所以做佢身邊女人要小心啲，都係做朋友好啲！」戲中二人扮演夫妻，並有床戲，詩雅話：「只係坐喺床度傾心事 啫！」林德信坦言呢幕因為詩雅的對白，令到他眼濕濕，完全投入角色當中。

林德信中環遇記者主動打招呼勁親民

林德信無架子唔會自覺高人一等，日前林德信同朋友在中環漫步，全程有講有笑融洽又有愛，一個唔覺意見到有鏡頭，Alex無閃開無遮擋，抬起頭第一個反應就係充滿笑容舉起手指公打個招呼先，態度性格好到加零一！