黃翠如演《那些我愛過的人》演技被讚有進步 眼利網友：佢個鼻係咪又整過？！｜頭號粉絲

撰文：火星異種人｜圖片來源：新傳媒圖庫、東方新地

黃翠如相隔三年再拍劇《那些我愛的人》演方樂汶被指演技有進步不再無表情

黃翠如早於2017年參演《溏心風暴3》，當時黃翠如常被網民評擊「零演技兼面癱」指她完全不懂得演戲，相隔三年，黃翠如主演無线熱播劇集《那些我愛的人》，並飾演喪夫兼要獨力照顧兩個小朋友的媽媽「方樂汶」。劇集播出後，有不少網友均大讚黃翠如的演技大有進步，而開始受到網民肯定，早前翠如接受媒體訪問時就有提到自己有去進修演技：「其實做演員有好多人會鐘意你，亦同時有人唔鐘意你，而在過去兩年間，有去進修演技，明白入得呢行，個心就要夠強，要接受一切的好與壞，從而去改善自己。」

對於外界有指「方樂汶」一角原定人物是由李佳芯，後來因被飛才由黃翠如頂上，翠如聽後就指自己很多時都是後備，但起碼都有工作做；而是次有不少網友大讚翠如演技有進步，她即笑言：「事前有同龍爺（林文龍）溝通過，覺得有過這樣經歷的女人，應該會較為沉實穩重，所以就把聲音壓低同說話時盡量慢些少。」

夫妻齊齊重手執靚吸客臉形五官再進化

去年，蕭正楠、黃翠如合體出席超市活動，被眼利網民發現 夫妻同時臉形五官再進化，逆齡生長容光煥發！本身係女神 BB的翠如，更是蘋果肌激凸，鼻樑筆挺兼驚見蝦餃下巴， BB女神變鬼妹女神，身旁42歲的蕭正楠亦回春有法，昔日闊面形緊緻提 升，由老蕭變嫩蕭，婦靚夫隨，夫妻齊齊重手執靚吸客！

翠如驚見木偶鼻 BB進化女神5.0

去年黃翠如在阿Bob（林盛斌）的九龍塘寓所搞party， 同大班朋友一齊慶祝38歲生日，連過氣情侶唐詩詠、洪永城亦激罕同場，加埋馬國明鐵 三角非常耀眼，不過點搶都唔及逆齡再進化的壽星女翠如搶眼，當翠如拉隊同 好友們吹蠟燭時，就輪廓鮮明五官精緻，似足鬼妹仔，在眾星之中特別有光芒，非常吸睛。

夫妻檔孖住出席超市活動，兩人緊緻臉容令人眼前一 亮，瞬間成為焦點，翠如靚樣加倍突出，蘋果肌變激凸，更多埋個 蝦餃下巴，連鼻樑亦升高，不過，翠蕭重手執靚 樣，好快便引起網民熱烈討論，甚至有網民覺得翠如側面個鼻好突 出，似足之前被指有木偶鼻的楊怡！

蕭正楠返老還童 齊齊變靚吸金

老婆愈變愈索， 42歲的蕭正楠當然要跟住學，夫妻同心其利斷金，兩人近期逆市成為廣告客戶搶手貨，除咗單拖演出及拍廣告，合體賺錢工作亦愈來愈多。

知情者爆料指：「其實阿蕭同翠如從來都唔介意一齊做嘢搵錢，結婚之後，就更加啱價就接，咁夫妻檔市場層面好闊，佢哋真 係多咗好多嘢做，為咗令客戶滿意，佢哋都好落力執靚樣吸客，唔敢再求求其其，以前阿蕭唔著重打扮，牛記笠記好隨便就出街，但家陣要保住形象，翠如都捉埋老公一齊扮靚！呢排都見阿蕭成個後生晒！」 蕭生蕭太咁有市場，當然緊張執靚樣把握時機賺定多啲奶粉錢啦！夫妻回春有法，生B應該冇難度！