《復仇者聯盟4》帶出男人難題？！ 伍家謙網上發帖文集思廣益｜新蚊娛樂｜

撰文：火星異種人｜圖片來源：伍家謙Facebook Page

《復仇者聯盟4》帶出男人難題？！伍家謙網上發帖文：與另一半去睇《Endgame》竟被問當中幾多「任」！

《復仇者聯盟4》堪稱為「這個世代最史詩式」的電影，自在上月底上映後，不少影迷都即時購票入場，早買早睇早享受，還可以免劇透之苦。

昨日，前TVB首席體育記者伍家謙就在個人Facebook Page中發出帖文，指一早起身就收到「麻甩佬 WhatsApp group」難題就是：「我尋晚同老婆去睇Endgame，散場之後佢突然問我marvel十年入面同過幾多人去睇，經歷咗幾多『任』……佢仲補多句話唔會嬲叫我老實答喎。」

網友留言提出意見

家謙發帖後即在下面留言：「#DontSpoilTheEndGame」、「#DontSpoilTheRelationship」；而網友看到家謙的發帖後紛紛表態，有網民留言反問家謙：「其實遇到呢個問題嘅人係唔係……你本人？」，更有網友教指千萬不要如實作答，否則真的Endgame：「不要相信女人」、「答咗就真係EndGame」、「千祈唔好答幾多個，佢話唔嬲你都有排煩。除非畀佢搵到兩張舊戲飛啫，如果唔係，點都話自己一個去睇。學樓上話齋，蛇咬都唔認！」

有部份網友則留下應可過關不用死的方法，如：「幾多任都不及你，因為 I love U 3000」，亦有網友留下抵死留言：「問乜都答I am Groot」，隨即就有回覆說「即變植物人！」。

也有網友就改寫了「美國隊長」的經典對白，說如女友／老婆不滿意答案，女友會說句：「I can ask(do) this all day」，十分貼地又抵死！

《復仇者聯盟4》已經上映了一段時間，而早前《復4》的兩位編劇Stephen McFeely 和 Christopher Markus就接受外媒訪問，當中更被問到為何Iron Man和美國隊長的結局會是這樣安排時，他們竟表示結局與他們無關？！