【遲啲先好升級 iOS 12.1.1】外國有網民升完後無法使用4G網絡！

Apple Support Twitter 平台近日湧入一連串關於升級 iOS 12.1.1 後用唔到 4G 上網嘅投訴，同時亦有有用戶出現 Safari 瀏覽器無法正常上網嘅情況。未升級做 iOS 12.1.1 嘅你就睇定啲先啦！

文：Charmaine 丨圖：Twitter、網絡圖片丨編輯：白仔

iOS 12.1.1出現無法上網Bug！

有外國用戶於 Apple Support Twitter 中指出，更新 iOS 12.1.1 後，發生 4G 上網時有時無嘅不正常情況。

亦有用戶回報應用程式未能連接 4G 流動上網服務，甚至有用戶斷哂所有 4G 連線，未能連接流動訊號，只可以使用 Wi-Fi 上網。

有消息指，呢個問題係測試版本中已經被人發現，但正式版推出後依然出現同樣錯誤。

Apple Support 湧入投訴 iOS 嘅留言後，就建議用戶先試試重新開機，或重置網路去解決，不過以上方法似乎起唔到任何作用，受影響嘅用戶依然用唔到 4G 上網。

最新嘅 iOS 12.1.1 更新當中，iPhone XS、XS Max 可以透過 eSIM 實現雙卡功能，亦為 iPhone XR 用戶帶嚟 Haptic Touch 以取代 3D Touch 為新嘅操作方式。同時亦將已經移除嘅「一對一FaceTime通話過程可拍攝原況照片」功能再新增回來等。

雖然呢個 bug 唔係必然會發生，但都建議未升級嘅用戶睇定啲先，等 Apple 推出解決方案再 upgrade。

關鍵詞