鬼節鬼月聽鬼故 4個恐怖心寒鬼故事
撰文:Charmaine丨圖片來源:《頭七還魂夜》電影劇照、BuzzFeed、MensXP.com、steemit、DeviantArt、VideoBlocks、YouTube截圖丨資料來源:ETtoday、pixnet丨編輯:白仔
鬼節鬼月聽鬼故 4個恐怖心寒鬼故事
1.床下底
偉明同阿欣係一對拍咗接近四年拖嘅小情侶,點知偉明有日出軌比阿欣發現咗,偉明毫無悔意仲主動分手,阿欣不堪打擊選擇喺四週年紀念日當晚自殺,佢係最後一刻打電話比偉明,話:「我死都唔會原諒你⋯⋯」
偉明聽完呢句知道阿欣做鬼都唔會放過佢,所以去咗搵個道士指點:「喺佢頭七嗰晚匿喺床下底,合埋眼唔好出聲。」
去到頭七嗰晚,偉明係床下底一直顫抖,「咚、咚、咚⋯」嘅聲
由客廳去到廁所,再嚟到偉明身處嘅房間,連綿不斷。
咚
咚
咚
咚⋯
聲音停咗落嚟,但伴隨住偉明一聲尖叫聲後,房裡面再無人顫抖⋯⋯
咚咚聲去到偉明床邊就靜止,佢以為阿欣嘅鬼魂已經走咗,當佢開眼嘅時候就見到阿欣對住佢笑⋯⋯因為阿欣係墮樓頭部著地而亡。
2. 私家屍帶
今日有個護士同我一齊收夜,難得冇乜事可以準時走,「如果日日都係咁你話幾好?」個護士話。我望一望佢,覺得有啲生面口。
「你平時都係呢個wrad?」
「唔係啊,上嚟搵個同事就走啦。」
之後我地就一齊搭𨋢,架𨋢去到G樓都唔停,一直落到去 B2 嗰層。
「唔係咁邪下話?!」我話。
點知一開門真係有條女行緊過嚟,我瘋狂㩒個閂門掣!!!
「點解唔比佢入𨋢?」
「呢層殮房嚟㗎!你唔見佢手上面條遺體手帶?」
「呢條?」
3. 屋苑樓梯
你有幾可行樓梯翻屋企?
我屋企住係一棟只有14層嘅舊樓,間唔中停下電咁,一停電就要行樓梯,好死唔死我仲要住最高嗰層,個看更又hea下hea下成日瞓著不問世事咁。
今日學校補完課再衝去補習,結果11點先翻到屋企樓下。
「又停電!個天係咪嫌我唔夠攰啊!」
夜媽媽𨋢又冇、燈又冇,得個又瞓著咗嘅看更,妙啊!
「媽咪啊你可唔可以嚟同我一齊上去啊?我係地下啊。」
過咗一陣我就見到阿媽係樓梯口伸手叫我過去,拖住我隻手帶我上樓。
「阿媽你幾時咁好眼力?暗成咁都仲睇到路!」我笑住咁講。
上到7樓嘅時候有人打比我:「你又話係地下嘅?沿途都見你唔到喎⋯⋯」
4. 忠誠的「德仔」
阿爸阿媽今個月有幾日都要去公幹,又留低我自己一個同隻狗「德仔」一齊睇住屋企。
唯獨有隻細窗閂極都閂唔實,但係算啦都唔係第一次,反正唔會有事嘅。
滴答
滴答
滴答⋯
去到半夜,我比啲水滴聲嘈到醒咗。
我大概係抱住僥倖嘅心態,又唔想爬起身,屋企隻狗又冇吠。
「冇事嘅⋯」我伸咗隻手出被竇,「德仔過嚟啊!」
比佢舔下隻手,覺得安心好快又瞓翻。
第二日朝早,我阿爸翻到嚟拍醒我
好緊張咁問:「你有冇事?」
我半夢半醒之際向我阿爸身後望過去⋯
德仔啲血由喉嚨流向腳指,再滴落地板
滴答
滴答
滴答⋯
腥臭味湧入我鼻腔,手上嘅紙條寫住:
「人啊 也是會舔東西的喔」
有沒有關於香港的有趣盤點?
香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?
有甚麼必學生活小智慧?
天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法及7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!