張致恒老婆雯雯疑硬闖Sean Lam直播爆料 為頭家搏盡閨房樂都講埋！
張致恒雯雯認陀第4胎 搞＄50會員制幫補家計
張致恒同雯雯2019年奉子成婚，三年誕三子，細仔去年6月出世，剛宣布陀第四胎，將四年抱四。雯雯聲稱停用舊有IG，卻忽然出po公布大搞50元會員制，富二代KOL Sean Lam卻大爆被雯雯拒絕，把本來已付的50元，向他退款！
雯雯拒絕Sean Lam兼退還＄50
Sean Lam去年大爆Coffee疑出席飯局、KOL內幕、賣假貨等，在網絡人氣高企。本來與老婆Toby Sin鬧離婚又離奇和好，由爆料頻道變成閒話家常頻道，晚晚開直同網民吹水。雯雯爆再陀B，Sean Lam當晚（11日）在直播中談及此事。他昨日連環出post被雯雯退款「大佬我課金想睇正能量啫，換來負能量，咩世界」、「做善事都要食檸檬」、「你有無試過喺街買旗，個小朋友話唔賣比你」。
Sean Lam問雯雯：我可以比多啲錢！
Sean Lam又公開與雯雯的對話截圖，雯雯指「我IG唔歡迎你，我比番50蚊比你」，Sean問：「發生咩事？係咪比太少？我可以比多啲真心想幫你」，雯雯回應：「唔係錢問題，係本身每個人嘅來意唔同」，Sean：「每個人都有自己嘅價值觀，無必要去猜疑人地呀，最緊要小朋友開心」。而昨晚Sean Lam如常開直播，將被雯雯拒絕兼退錢一事分享，至約凌晨一點，雯雯用舊有帳號亂入，態度竟180度轉變。
雯雯拒同錢作對！？入Sean Lam直播為自己宣傳！
Sean Lam不停用「50雯」來稱呼雯雯，又指雯雯搞會員制有財路，更幫佢計數，笑言可以大賺錢，疑似雯雯留言：「數錢數到手軟」， 又不介意被網民指她搶錢，雯雯留言：「你地俾＄50我只係可以follow，如果想睇我哋嘈交就要俾＄100 」，Sean Lam搞笑指這盤生意有潛力可以上市，雯雯反問：「上市叫咩名好？uglymoney？」Sean Lam提議就叫「50雯」，雯雯話自己唔鍾意呢個名，建議不如叫「雯50道陰影得唔得？」
雯雯下月生得 改名：張致富
雯雯又不停跟網民互動，就算負評照顧回應，被人指是生仔機器，雯雯就問人：「我做代母有無得諗？」Sean問網民張致恆第四個小朋友，應該改咩名，引來網民瘋狂改名接龍，雯雯都玩埋一份：「張致富、張剪褲」。Sean老婆Toby Sin其後入鏡加入直播，雯雯問Toby幫佢個BB改英文名，又大爆生兔B，預產期在八月。Toby同網民同指餵人奶期間難成孕，因為子宮收縮等等，雯雯竟自認是「噴泉」、又指「我啲奶唔係用嚟餵我啲仔」、「我餵畀Steven㗎咋」，雯雯又叫Toby小心啲：「Toby你要小心啲我，一陣食咗阿Sean」、「到時你喊到無用」，似乎想通咗、唔同錢作對的雯雯，為養頭家，真係搏盡無底線！
雯雯最新澄清！
似乎Sean Lam直播留言的並非雯雯本人，佢係ig story指自己的ig ac係「ugly_mama」而唔係3條底線的「ugly__mama」。
