「離婚界KOL」張致恒老婆雯雯承認有第四胎 準備入院產子 大搞會員制！

雯雯認懷上第四胎大爆就嚟產子

雯雯ig story連環放負，承認自己真係懷上第四胎，仲大爆埋就已經差唔多要入醫院產子，並強調佢生唔生呢胎同佢要唔要同Steven離婚係無關係，佢聲稱「我相信，只要我生咗之後，我肯堅持，無嘢係無可能」雯雯表示佢會記得幫過佢的人，佢一定會記住，同埋佢亦認為自己一個女人都可以照顧起個家庭。雯雯最後表示主動幫過佢的人，佢會還、會記住，而且佢強調佢無問過人拎一分一毫。

雯雯ig story連環放負:

雯雯開會員制 ＄50一個月

雯雯昨日「最後一post」表示要關閉該ig後，表示好多人follow佢的另一個「ig2.0」，不過太多人follow佢，搞到佢分唔到邊個真心邊個唔係，所以就有網民建議雯雯不如搞個會員制，一嚟阻吓不懷好意的人，順手又可以幫補下屋企，收費為＄50一個月，叫大家有興趣就dm佢。雯雯現時ig已改為私人帳號。