一舞傾城｜李婉華赴洋怒斥黃金時段播教壞細路 激動與網民開火
一舞傾城｜李婉華開live講《一舞傾城》：個個去做舞小姐
《一舞傾城》收視僅20點，第二周更微跌，一眾演員日前為劇集造勢，港姐出身的陳星妤一再預告愛情動作場口陸續有來，而且愈來愈大膽，又預告今周初夜失守，珍貴初夜賣給關楚耀。人在加國的李婉華原來亦有留意《一舞傾城》，在個人頻道「豪華博客」與林子博、杜廷豪本來由著名造型師張學潤引申，藝人經常被走數，李婉華語重深長：「大家唔好以為做藝人好好，好艱難㗎，你哋係最近《一舞傾城》，成班港姐出身又好都係去做舞小姐咋。」話題一轉，李婉華一提該劇即甚為勞氣。
一舞傾城｜李婉華佩服潔儀姐姐喊得出
李婉華激動指《一舞傾城》在晚上九時半播出，是對撼ViuTV《全民造星5》，但內容以至每一幕都宣揚賣處，勞氣指：「啲細路仔未瞓，要PG家長指引，其實係咪應該十一點後先播？」李婉華直指內容令人譁然兼不安，「有個內容好誇張，勸個女下海，一個女人有手有腳，點會因為窮就去賣女？個阿媽叫個女為咗阿媽為咗八百萬，就試一次啦，咁就可以脫貧。」林子博補充：「個阿媽仲教個女點同男朋友解釋，話踩單車穿咗。」林子博指李婉華太投入：「唔係佢阿媽有問題，而係編劇有問題。」
一舞傾城｜李婉華：唔係意識大膽，係做埋動作畀你睇！
身為母親的李婉華未見收火，更指自己做戲廿幾年，「呢啲劇本同畫面未遇見，一日到黑，集集都宣揚賣處，賣到幾多錢，大佬呀，咩時間播呀？九點半咋，拍呢個題材無問題，但唔係集集不停重複賣處，幾時下海，幾時搵到個有錢佬出價，阿媽講完又到媽媽生講，仲話好似《華燈初上》，點知日日淨係講賣處，救命！」李婉華直斥處理手法有問題：「有一集莊思敏同李嘉床戲，嘩，就咁用嘢包住重要部位，然後男上女下咁有動作係度郁，嘩，呢啲唔係意識大膽，係教埋你點做！我重申我好鍾意香港，唔想佢唔好，但點解依家會變成咁？」
一舞傾城｜李婉華理直氣壯與網民開火！
有網民留言：「你哋三個都只係睇一啲片段，就係咁批評，好唔公平，亦好明顯你係針TVB，好失望！」李婉華不甘示弱反擊：「我並無批評TVB，我只係批評套劇，教壞細路，不合常理，請不要斷章取義」，有網民又鬧：「你單憑幾分鐘去評論，唔係咁好囉」，李婉華回應：「無價值，無品味，嚴重影響下一代價值觀的環節，仲需要我睇晒全套劇，先可以批評？」句句有火！
