黃聖依「好pure 好true」氣質消失！近照被嘲同徐錦江撞樣100%！？

被指撞樣徐錦江！造型似著住「爛布」

著住一身蕾絲配白色蝴蝶結造型嘅黃聖依，見到面頰凹陷加上眼神死，成個人同全盛時期完全唔同，有不少網民抵死留言話好似「男扮女」，仲話撞樣徐錦江！加上網民造型完全無乜美感，勁似著住爛布出街，呈現出一陣「娘味」。

不過其實應該係因爲零修圖，所以網民先會有咁大反應。對比起之後修過嘅圖，狀態完全相反！

今次已經唔係黃聖依首次被網民話太瘦，早係3年前參加大陸綜藝真人騷節目《乘風破浪的姐姐》，令不少網民話好擔心。亦有網民表示黃聖依本來屬於瘦削身形，加上節目需要大量唱跳，對體力消耗大。

其實黃聖依出演《功夫》後一炮而紅，原本前途無可限量但突然宣布同星爺反面要求解約，雙方互打官司，更曾表示後悔拍《功夫》！其後2007年宣布下嫁內地富商楊子，誕下兩位寶貝仔，生活無憂估計身家超過過億人民幣。不過佢對演藝事業無放棄，近年仲同老公夫妻檔帶貨直播，但就遭網民質疑楊子經濟情況係咪出問題。