試當真神還原《今際之國2》網民發現「校花」激似朝比奈彩！

YouTube頻道《試當真》2020年開始運作，有逾四十萬追蹤，頻道除咗不少劇場小故事外，有時仲會大玩不少人氣劇集，如早前就還原過大熱韓劇《魷魚遊戲》、《哈利波特》等。近日《試當真》再嚟挑機Netflix人氣日劇《今際之國的闖關者2》，昨日（19日）推出預告片，一連5集搵埋陳柏宇嚟神還原劇集，不過除咗陳柏宇之外，網民仲留意到另一個重點，就係「水雞光」！

試當真今際之國的闖關者2 — 《今際之國的闖關者2》（圖片來源：ig＠netflixjp）

試當真《試當真》的試玩毛《今際之國的有J》 — 《試當真》的試玩毛《今際之國的有J》（圖片來源：ig＠trialanderror924）

試當真︳陳柏宇玩《今際之國》被大讚成個架仔咁！

YouTube頻道《試當真》近日大玩Netflix人氣日劇《今際之國的闖關者2》，推出預告片後被熱討，搵嚟唔同人扮演返《今際之國》之中的重點角色，預告片仲見到今次搵埋陳柏宇一齊玩，而陳柏宇應該就係扮演主角「有栖良平」，唔少網民都大讚陳柏宇真係成個「架仔」咁「佢個look 幾有日本仔feel 」「佢本身都幾有日本主角嗰啲樣，唔駛好高，臉尖尖，有啲才華，偏young，靚仔」「陳伯初出道個頭幾型，唔差過日本仔！」游學修喺直播中指自己好滿意「今際之國的有J」，認為自己選角方面做得好好，例如陳柏宇，大讚陳柏宇非常認真玩遊戲，而且還原度高，仲話嚟緊有更多藝人朋友嚟玩，全部選角都會好有驚喜。

試當真搵埋陳柏宇一齊玩「試玩毛」 — 搵埋陳柏宇一齊玩「試玩毛」（圖片來源：ig＠trialanderror924）

試當真唔少網民捉到阿慈自肥 — 唔少網民捉到阿慈自肥（圖片來源：ig＠trialanderror924）

試當真 Locker扮山下智久，唔少網民都期待Locker會否好似山下咁脫光光。 — Locker扮山下智久，唔少網民都期待Locker會否好似山下咁脫光光。（圖片來源：ig＠trialanderror924）

試當真游學修喺直播透露Locker特登為咗扮山下而操肌，十分認真，而且場內好多蚊 — 游學修喺直播透露Locker特登為咗扮山下而操肌，十分認真，而且場內好多蚊（圖片來源：ig＠trialanderror924）

試當真︳「水雞光」激似朝比奈彩

除咗陳柏宇之外，網民仲留意到本來喺《今際之國》都非常受歡迎的朝比奈彩「水雞光」，《試當真》都同樣搵嚟一位靚女嚟扮「水雞光」，唔少人都高呼激似！原來呢位「試當真水雞光」係早前有份選「校花校草2022」的Angelina君瑜。游學修喺直播時都提及到，當初Angelina並唔係一口答應參演，因為驚著水著上鏡效果唔好，游學修力勸之下終答允，最後見咁多網民好評就笑指自己無呃細佬女。Angelina參加「校花校草2022」時，喺《校花校草綜藝堂》中表現突出，面對古天樂導師要求以唐老鴨聲音即場演繹《媽媽的神奇小子》其中一段電影情節，不但沒有怯場，表現亦十分出色，令古天樂都連聲大讚：「幾好、幾好！」古天樂亦按照節目中一眾參賽者的表現，來選出花草們中的男、女班長。Angelina和Meaning全靠應對環節中充滿自信的表現，獲得古仔的青睞，成為成為花草們中的男、女班長。不過最後Angelina未有晉身10強。