劉馬車事隔3年終出獄！狂出8條片預告回歸網民有讚有彈

劉馬車事隔3年終出獄 狂出8條片預告回歸！

劉馬車於昨（20日）在個人YouTube頻道「劉馬車」上傳全新影片，不到一日已經吸逾20萬人觀看。而影片是講述自己終於出獄，片中不斷提及改變，直言自己當時的確係衝動累事，而入到去之後都相當後悔，又道自己傷了父親的心。他亦表示不想人生再留有遺憾，希望日後能夠好好做好自己。他更在影片中提及自己在獄中的苦況，直指當時因為頂撞獄警而遭暴力對待，直言「以為自己冇命出嚟！」他亦將自己舊有的影片都刪走，只留下新影片。

望外界俾工作機會

然後分別在之後的時間內繼續上傳其餘8點片，預告自己將復出，希望外界能夠給予多些工作機會，仲放埋自己個WhatsApp出嚟啊！其中一條片中他就指將於大年初一下午4點出現在尖沙咀鐘樓，希望同觀眾「吹吓水同吹吓海風」。除此之外，他更係分享自己在獄中所畫的手稿，其畫功相當不錯，更獲唔少網民大讚。

長情馬車 依舊封羅力威做偶像

之後馬車再指一條片為「劉馬車談羅力威～香港樂壇嘅一道清泉，永遠在我心中長存！」，事隔咁多年，劉馬車依然係咁愛羅力威，仲大讚佢在樂壇中的唱功都是數一數二。仲上傳一條自己的原創歌曲《後悔藥》，網民大讚唱得唔錯，十分有實力。

網民有讚有彈

對於劉馬車的復出，有唔少網民都抱以取笑的心態，直言「啲演技已經變得爐火純青」，「熟識嘅對白~熟識嘅場景~」，「繼續用作品說話」等等。不過都有網民真心希望劉馬車悔改，認為其實佢唔用下面諗嘢，或者的確係可以在YouTube界發展到，甚至憑歌聲打入娛樂圈都唔出奇！

聽聽馬車新歌