鄧紫棋三年無返港連番爆喊 網民:G.E.M.老師香港樂壇靠你啦!
鄧紫棋否認與造型師男友Mark結婚
G.E.M.鄧紫棋去年被爆與富二代造型師男友Mark,在內地領證結婚,又指在上海靜安區豪宅築愛巢,婚後定居上海。不過鄧紫棋工作室即作出回應:「甚麼?解解(姐姐)領證了?疑似報道害人不淺」來否認婚訊。日前鄧紫棋在IG自爆相隔三年終於回香港,「因為疫情,快三年沒回香港,快三年沒見這個景觀,昨晚一回家看見自己的書架放滿看過的書,突然就流眼淚,晚餐時跟爸媽飯前禱告,又哭,活著真好,感謝上帝」,不少圈中人畀like及留言,連詩雅、鍾舒漫、林欣彤、Gin Lee等。
![鄧紫棋 鄧紫棋與富二代、造型師男友拍拖超過五年,一度傳分手及婚訊,她一一否認傳聞。](https://imgs.nmplus.hk/wp-content/uploads/2023/01/5d024db9-58d4-4702-b4a8-c70878bdb735_209810614363c4c7ff6dd2f.jpeg)
鄧紫棋上海返港發感性文:活著多好
鄧紫棋終於返香港,引來不少網民留言,更在討論區引起熱話,有網民質疑「一早有回港易啦,咪扮嘢,掛住賺人仔啫」、「其實你可以唔返嚟,尊重你」、「係咪因為賺少咗幾日人民幣?」、「出隻廣東碟先講啦。」、「宇宙漿話活著多好,唔通係大陸不能活著?反啦反啦!」。
![鄧紫棋 鄧紫棋貼出在香港豪宅露台拍照,自爆三年終於返港。](https://imgs.nmplus.hk/wp-content/uploads/2023/01/3ecaab31-3432-49fe-b0ab-636a5f6cd3de_72167322263c4c8d7f1ec9.jpeg)
「香港歌手邊個唱到兒夜姨野?」
有不少網民歡迎鄧紫棋回歸,更希望她能在港開演唱會,「樂壇依家烏煙瘴氣,你返嚟畀啲實力班人睇下啦」、「GEM老師見到12塊鏡,會唔會打爆電視?」、「返黎打低班鏡仔同COLLAR啦,出道咁耐仲後生過芯駖」、「 鄧紫棋X叫都好過班鏡一係鼻塞、根本唱唔到又扮喊」、「叫MIRROR同COLLAR兒夜姨嘢以夜儀先啦 」、「轉頭開演唱會同陳奕迅一樣爆晒場」、「大個女咗,大家又可以大飽眼福」、「美斯都聽鄧紫棋呀」、「佢係黃金檔農曆新年唔去上面搵錢,反而選擇香港,呢份情操就唔同千嬋、周柏豪、蔡少芬啦」。不過有網民就睇唔眼,覺得香港樂壇可以百花齊放,唔好成日咁多比較,有可以有GEM老師亦可以有男女團。
連登仔向鄧紫棋道歉!
更不少網民更向鄧紫棋道歉,「連登仔要向你道歉,原來你咁好,呢幾年樂壇被一面倒,不知所謂」、 「嗰時成個樂壇恰佢一個𡃁妹,諗翻都幾過份」、「係我哋對佢唔住,有寶唔識珍惜」、「台灣都當佢係寶,唯獨香港人放棄佢,真係錯晒!」
![鄧紫棋 去年推出新專輯!](https://imgs.nmplus.hk/wp-content/uploads/2023/01/6e895778-030b-486e-b964-866211fb19aa_119083026163c4ca5fd407d.jpeg)