雯雯再出文狂轟張致恒「又廢又懶」 網民：離婚好似嚟M咁密
廣告
「死性不改」的張致恒自上個月被雯雯鬧爆，再次引起「離婚風波」，睇到一眾網民都一頭霧水，忍唔住問到底兩人肯離婚未。不過1月9日雯雯又再次出文狂轟張致恒，今次直接指對方「又廢又懶」。
雯雯再出文狂轟張致恒「又廢又懶」 網民：離婚好似嚟M咁密
張致恒與區燕雯（雯雯）瘋狂離離合合的消息相信大家都已經睇到習以為常，雯雯繼上次話「離婚」之後，事隔一個月在1月9日再出文鬧爆對方，怒插「做人窮唔緊要，但如果做人唔爭氣，樣樣嘢都仲要懶，咁就係廢。」。
懶惰性格再引雯雯怒轟
背後原因是因為兒子要去醫院，但張致恒未能盡父親的責任，用藉口懶理兩母子，令到雯雯忍唔住大爆：「你話你攰唔舒服要瞓覺，OKAY，咁我去執嘢，啲仔兩點要去到醫院。只係要求你畀嘢佢哋食，換衫準備好，我返嚟即刻出門，一點半仲瞓喺張床，你要廢要懶無問題，但既然你要生小朋友，可唔可以尊重吓佢哋，唔好因為你嘅問題去影響佢哋。我真係忍唔到幾耐，完全唔理解你呢種人生存為乜。」。雯雯疑似再次被挑戰底線，唔知會唔會又離婚呢。
張致恒＝一手好牌玩爛晒
有網民就開post直指張致恒的舉動絕對係「將一手好牌玩爛」，指出在出道初期的張致恒的確煞食，母親為荷蘭人所以令其有混血兒的長相，而且當時亦叫做係一代靚仔，仲要在中學時期就做過Model，更與關智斌組成當時大熱男子組合Boy’z。網民直言同期明星都上晒岸，但張致恒仲係霉到要去做炒散。
用「暗黑兵法」搏見報？
唔少網民都認同張致恒的確係將一手好牌玩爛，直指他都相當多的機會但不懂得珍惜同善用，當時在鍾培生的拳賽上如果肯落力操拳的話，可能都有機會重返幕前，不過最後都係衰懶，連磅都不願減就上場，Hea爆態度零體育精神。亦有網民認為張致恒目前是在用暗黑兵法，靠自己同雯雯的「嚟M式離婚」去抄作話題搏見報。
圖片來源：IG
