日本研究立法將Cosplay納入版權規範 禁未授權商業行為包含海外
廣告
世界各地Coser都鍾意Cosplay自己心儀嘅動漫角色，但件事嚟緊可能會無咁如意，因為近排日本正研究立法將Cosplay納入去版權規範嘅可能性，或將禁止未授權嘅商業行為，包括開放盈利嘅網絡帳號等，如果真係通過咗，會對Coser們帶嚟幾大影響？
撰文：odin ｜ 圖片來源：Twitter@えなこ、IG@孫慧雪
【Cosplay】日本研究立法將Cosplay納入版權規範
根據日媒報導日本政府正著手規劃包含海外嘅Cosplay著作權相關法律，當地一直備受爭議嘅Cosplay著作權，就類近二創同人誌情況類近，雖然二創可以提升原作能見度，但營利方面確實違反著作權。有見及此，日本方面將會著重喺Cosplay是否進行商業行為而定，如果相關行為跟商業有關，就需要同原作者取得授權方可進行扮演，否則該行為就係侵權，需營利行為包括Youtube、Twitter、Instagram等平台，而相關法律只針對有進行營行嘅行為，無實質營利行為嘅Cosplay則不在此限。
【Cosplay】禁未授權商業行為包含海外
至於日本方面則表明並非想撲滅Coser，只係希望取得合理的著作權，就連日本著名Coser えなこ(Enako)亦都係Twitter發聲，表示喺商業場合度主要都係Cosplay自創角色，如果Cosplay有版權嘅角色，事前都會先獲得官方授權，作為Cool Japan宣傳大使之一嘅佢，重係個人推特度貼出佢同Cool Japan戰略大臣井上信治見面嘅報導，並同意此舉只係希望官方能夠獲得合理嘅著作權。
關鍵詞
cosplay
