全職獵人｜疑似冨樫義博親回應漫畫停止更新原因 展覽日期曝光！
廣告
《全職獵人》（Hunter X Hunter）為日本廣為人知的人氣漫畫作品，1998年開始連載，在香港亦大受歡迎，作者冨樫義博。不過此作品時不時就停止更新，粉絲們等更新一等就等上幾年。近日作者冨樫義博終於傳出更新的消息，Hunter粉絲等到頸到長終於等到呢一日，而且仲疑似冨樫義博親自講解休刊原因！
《全職獵人》終於更新 作者仲大搞畫展？
《全職獵人》1998年連載至今仲未出完，曾於2014至2016年期間休刊80回，2018年再次開始休刊，直到上年已休刊3年沒有再更新，不過近日Hunter作者冨樫義博突然開Twitter，仲要大騷漫畫草圖，似乎暗示更新在即！而作者冨樫義博除了上水更新漫畫之外，仲舉辦「PUZZLE」畫展，網上流出畫展日期將於2022年10月28日至2023年1月9日期間舉辦。仲疑似冨樫義博為展覽寫咗封信，親解點解2年幾以嚟無再更新的原因！
冨樫義博因腰痛無法更新作：去廁所都搞唔掂
冨樫義博在信中詳述自己因為腰椎間盤突出腰痛，令佢2年間無辦法坐在椅子上畫畫，佢更畫圖示意自己的作畫狀況，指自己現時只能像圖中的姿勢作畫，更強調自己腰痛問題令佢已經2個星期去廁所都無辦法擦屁股，仲要去完大大要沖涼先搞得掂，所有動作都要比平常人花花3到5倍的時間，提醒大家要保護好自己的腰，腰真的非常重要！
網民質疑：唔用射水廁所？
唔少網民對於冨樫義博的解釋感到不滿，首先認為冨樫義博現時作畫的姿勢係更加唔正確，只會令到佢腰痛問題更加嚴重「我知道你很痛，可是圖中這種姿勢，其實反而會更糟糕…」「都傷左好多年」「打牌就打牌啦」「不如佢直接講個劇情叫人畫咪得囉」「搵咁x多錢都唔睇骨科同做手術，2019 到而家，做手術加物理治療一早休養完」「好假設佢講既係真 做乜條腰可以傷到咁 仲誇x過做左10年地盤 佢打機個姿勢真係可以咁傷?」「抆唔到屎但可以沖涼？」
全職獵人作者如何回應停止更新原因？
近日Hunter作者冨樫義博突然開Twitter，仲要大騷漫畫草圖，更寫咗封信，親解點解2年幾以嚟無再更新的原因，就是因為自己突然…詳情請看
《全職獵人》會大搞畫展？
Hunter作者冨樫義博上水更新漫畫之外，仲舉辦「PUZZLE」畫展，網上流出畫展日期將於2022年…詳情請看