屎萊姆潛水復出YouTube｜Dislike數超誇張 仲勁過雪姨！

潛水復出YouTuber屎萊姆Dislike數超誇張 仲勁過雪姨！

自稱為「四川辣王」屎萊姆早期以「手遊實況」以及「開箱影片」等等的內容而走紅，不過後期因為被大爆玩「YouTube霸權」而導致網民聲討，其後出聲明去否認，引來網民負評如潮。

就在3月22日，屎萊姆決心復出，再次拎起部機做影片製作者。首次拍片就已經出師不利，名氣大不如前，而且互聯網是有記憶的，所以網民對於他的復出都嗤之以鼻。對於負評如潮，屎萊姆都特意在Comment區回應，最後都指：「時間會證明一切！兜兜轉轉都番番嚟，都係因為鍾意拍野，離唔開呢樣野。唔洗趕住出片～慢慢出，無views嘅壓力，無數要追，佛系拍片，想拍乜拍乜～回歸最初嘅隨心是但拍」。

網民當然唔係咁睇，屎萊姆首條影片成功榮獲1.7萬Dislike數，比起Like數大幅度領先。之後屎萊姆冇放棄度，於負評下成長！於其後5條片中都繼續收錄勁多Dislike，加加埋埋目前已有1.4萬Dislike數（截自4月26日），認真誇張！

Comment區當然都難以洗白，網民繼續炮轟其以往的罪行，認為他不應該再出來拍片，有網民更指應該要「CLS」（Close Leave Skip）去令他無法在YouTube界立足。

另一個貼樣狂收負評的便是富貴KOL「雪姨」，自盆菜事件後就俾人鬧足咁耐，潛水一排一改Mean爆性格教人「斷捨離」，榮收1.4萬Dislike數，比起屎萊姆來得少。不過兩位有一樣嘢是一樣，便是兩人同樣在其他影片中狂收Dislike，不過雪姨對上一條片已經3個星期前，難道已經準備退出YouTube！？

早在3月1日時，雪姨就特地購入500盒快測想派俾有需要人士，網民當然唔領情，大鬧她「扮有良心想洗底」，又指該品牌的快測出名不準確，指她在選貨過程毫無誠意。